المترو

ركبت المترو في عربية السيدات، ولاقيت كالعادة رجالة
أنا عادة بـ تخانق، بس يومها ما كـنـتـش قادرة، فـسِكِت.

بعد شوية، بنت طلبت مني المساعدة عشان نـنزلهم
فروحت وقفت معاها وهي بـ تزعق لهم عشان ينزلوا
وبعدين فجأة، لاقيت نفسي بـ تضرب شلوطين في الهوا
وقفت، وانا متماسكة جدًا
لاقيت راجل من الـلـي كانوا واقفين بـ يزعق للبنت: "أنتوا فاضيين؟"
فجأة لاقيت نفسي بـ نهار، وبـ صرخ
"أنتوا قرفتونا، أنتوا مش مخلينَّا نعرف نمشي في الشارع، ولا نركب المترو".

لما رجعت يومها البيت، لاقيت رجلي وارمة
يومها حسيت إن كان نفسي أبقى أقوى من كده.
بـ قعد أفكر لو الموقف رجع تاني، ما كـنـتـش سيبت الـلـي ضربني
كنت هـ روح أرفع قضية عليه، وعلى محطة المترو
والراجل الـلـي كان ماسك المايك، وهو شايفني، ومع ذلك قعد يقول
"المتسولين الـلـي ماسكين باب المترو ينزلوا".

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر