ماما كانت دايمًا بـ تقولي: "أنا كنت بـ عيط عشان ما بـ تاكليش،
وكان وزنك 8 كيلو بس وأنتِ خمس سنين، وكنتي هـ تموتي".
من يوم ما بقى عمري 6 سنين وانا وزني بدأ يزيد، ويزيد، ويزيد.
التعليقات بدأت من البيت، من المجتمع، ومن المدرسة.
أمي وأختي دايمًا بـ يجرحوني، وبدل ما يساعدوني، كانوا بـ يقولوا:
"خسي؛ عشان الناس ما تـتكلمش عليكي"، "الهدوم مش بـ تليق عليكي"،
"خسي؛ عشان هـ تكسف وانا ماشية معاكي"، وأقسى حاجة سمعتها:
"مين هـ يرضى يتجوز واحدة كلها طبقات"،
مش على الجواز، لكن على الكلمة الـلـي بعدها.
جالي قلق اجتماعي، بقيت بـ قطع في شعري،
بـ قعد شهور ما بـ طلعش، وبـ خاف اشتري أكل،
وبـ خاف اشتري حاجة من البقالة، وبـ خاف آكل قدام الناس.
بقيت انطوائية مكتئبة، حاولت انتحر، وبلعت حبوب كتير أوي، واغمى عليا.
عملت ريجيمات قاسية، بـ شرب ميه بس، والنتيجة قلبي اجهد،
وكل شوية بـ يغمى عليا، ولحد دلوقت بـ عاني من قلبي.
كفاية! إحنا عارفين وزننا، وشايفين شكلنا،
فـسيبونا في حالنا؛ عشان بـ تكلفونا حياتنا، وصحتنا.
سيبونا، بجد.