"إزيك بقى يا أبلة سعاد؟"
"الحمد لله"
"ها، أنتِ بقى معاكي إيه؟"
"أنا مخلصة بكالوريوس خدمة، وعملت ماستر دلوقتي في مجال تنمية المجتمع وشغالة يعني، والمفروض هـ ناقش السنة دي"

مفهوم الحماية عندهم غلط
زي ما بابا حاول يفهمهولي كتير
وهو إنه يحطني في صندوق إزاز

شفت ميس هدى عملت إيه في سارة؟
كنت بـ كلمها من شباك الأتوبيس، وهى واقفة تحت
قامت ميس هدى لطشاها بالقلم
وبصت لي فوق، وشاورت لي كده، وحلفت تكلم أبويا

كان في فرق كبير في السن بينهم، بس هي كانت بـ تحبه،
أخوها عمل مشاكل،
عيلتها كانوا شايفينها فاجرة، وعملت علاقة مع حد كبير
وأختها كانت شايفة إن طالما هي مُصرة تـتجوزه
يبقي عملت حاجة غلط معاه …

كل ما أرجع البيت، كلهم بـ يسألونى: "امتى هـ تتجوزى؟"
زي ما تكون حياتى مشروع جماعي، وكل الناس عايزة تكمله بالنهاية السعيدة.
وانا دايما بـ اتريق علشان كلهم فاكرين إن تاريخ صلاحيتي هـ ينتهى خلاص
بس أقول لكم الصراحة؟ بينى وبين نفسى أنا فعلا خايفة من كده

الوالدين، الزواج، الضغوط الاجتماعية

المشكلة بـ تتـلخـص فى إنى طيب أو محترم ...
من النوع الـلـي بـ يفكـر فى مشاعر الآخرين قبل التصرف، وبحط نفسى مكانهم.
بدون أصدقاء حرفياً، وبعيد عن أهلى.
حتى شغلى من خلال النت، وبشكل ما ما بـ تـعاملـش مع بنى آدمين.

كنتِ جوا دايرة كبيرة في صالون
وناس حواليكي بـ يقولوا كلام رسمي
وأنا قاعدة ورا… برا الدايرة
زي اللي قاطع تذكرة بلكون

الزواج، الوالدين، الضغوط الاجتماعية

الموضوع ما كانش عادي ولا تلقائي،

ما بين شخطة قريبتك المتحفظة لما بـ تعمل حاجة قبيحة، 

ووشوشة العيال صحابك عن لمسهم لمناطق من جسم الشغالات أو قرايبهم البنات،

هـ تعرف إن جسم الطرف الآخر فيه حاجة عيب، أكيد فيه حاجة عيب.

الضغوط الاجتماعية، الجنسانية، الجنس، الجسم، الذكورية

على فكرة ما تـصدقيش، أنتِ مش جسم بـ يـتـقـاس بالسنتي والجرام
وعلى أساسه بـ تـتـقـيِّـمـي كبني آدمة
أنت جميلة، وأجمل ما أنتِ فاكرة دلوقتي، أو هـم مصدقين
أنتِ موهوبة، وذكية، وقيمتك مش رقم على الميزان، أو مقاس في اللبس.

الضغوط الاجتماعية، الوصمة الاجتماعية، الجسم

حكايتي بـ تعيشها ستات كتير
وهي ببساطة الإحساس الداخلي بالقهر
نتيجة اعتبارات وإطار بـ نزرع نفسنا جواه
الاستكانة إلى الروتين، وإطار العادي والمقبول.