حاولت أبدله بخالي، بعدين برضه خالي خذلني.
بعد كده بجدي، بعدين جدي اتوفى،
يعني قبل ما أولد على طول،
فـ اتكسرت برضه ساعتها.
بعد كده جمعت إنه لأ،
أنا عاوزة إيه؟ وعاوزة أكون فين؟
الوالدين؛ العائلة؛ المدرسة

وفي يوم كان معاهم صواريخ
ورموها على الست وهي بـ تكتب على السبورة
فـ اتخضت، واتدورت
راح اتنين تلاتة قاموا، قفلوا الباب، وقفلوا النور
وقفلوا الستاير بتاعة الفصل
وزنقوها في الركن الـلـي ورا الباب.

أنا بـتعرض لـتـنـمُّـر وإهانات
زي إن مرة مدرس مادة الدين قعَّدني قدامه بطريقة غير مباشرة عشان يقرا عليا الرقية الشرعية، قدام كل الـ classmates
وكان متِّفق معاهم عشان شايفين اختلافي عنهم خلل
وما أقدرش أعمل حاجة
ولما اتكلمت، اتقال ده هزار.

وانا في ابتدائي، كنت بحب مدرس العلوم جدًا
وكنت شاطرة في الدراسة، فـ كان هو كمان بـ يحبني
في أجازة نص السنة، كانوا دايمًا بـ يدولنا واجب كبير نعمله
وفي مرة في الأجازة تعبت، وسافرت القاهرة اتعالج
فما عملتش الواجب ده.

عند بابا كان سجن
عايزني أذاكر في كل لحظة
لو قاعدة على الكنبة ثانية معناها إني نايمة
حاسة إني اتحولت لآلة مذاكرة
لما كنت بـ سمع صوت مفاتيحه في الباب،
كنت بـ ترعب، وبسرعة أطلع كتاب.

أول مرة حد اتحرش بيا كان عندي 10 سنين،
كان مدرس في المدرسة الـلـي كنت فيها
ما قولتش لحد.
تاني مرة حد يتحرش بيا كان عندي 17 سنة،
كنت في باص الجامعة، ما قولتش لحد.

بالنسبة للبنات،
أنا عارفة إن في سنكم ده بـ تبقوا فرحانين بنفسكم:
إيه ده أنا شعري طِوِل! إيه ده مش عارفة إيه
الكلام ده تنسوه خالص، مش هنا!

كنت في تالتة ابتدائي، وهو كان معايا في الأتوبيس
كان أبيض، وخدوده روز
وشعره أسود غامق، وتقيل، وناعم
وحواجبه تقيلة، وعينه حادة
وكان هو المهرج بتاع الفصل والأتوبيس
الولد الـلـي طول النهار بـ يـتـريـق

لغاية ما والدتي جت فى يوم عشان تاخدني من المدرسة
فـ شافتني والموقف ده بـ يحصل
فـ قالت لي بعدها:
"أنت إزاي بـ تسيبه يعمل لك كده؟
وتسيب الشنطة تقع في الأرض

وانا صغيرة، كنت بـ لعب مع الولاد والبنات،
وكان عادي إني ألعب كرة مع الولاد
لكن لما جيت مصر لاقيت إن البنات بـ يلعبوا لوحدهم
والولاد بـ يلعبوا لوحدهم، وما ينفعش ألعب مع الولاد