اتقابلنا في نشاط خيري
للأسف كان بـ يُظهر إنه متفهم لطبيعة المرأة جدًا، ومن المناصرين لها.
حبيته، وكنت منفصلة، وليا شخصية، والكل كان بـ يحترمني
بدأ يـبعدني عن الحياة كلها بدافع الغيرة والحب
بعدت عن أمي، وأبويا، وعن أقرب الأصدقاء
كان محاوطني طول الوقت، حتى وقت النوم اتصالات
دايمًا شكاك إن في غيره في حياتي.
كنت بـ خلق له 100 عذر، وبـ تحمل بدافع الحب
واقول بكره يـعرفني أكتر ويعرف أخلاقي.
بدأ الشك يبقى اتهامات، وضرب، وإهانة
وتضحياتي تزيد عـشـان أخلِّيه يفهمني أكتر.
بدأت أدبل، وشكلي اتغير، وفقدت النظر والذاكرة لفترة
وبدأت مشاكل صحية
محدش من الدكاترة قدر يشخَّص المرض غير مؤخرًا
مرض عضوي نادر بسبب الصدمات النفسية.
كان رده: "شفتي كتير قبل ما نتقابل، مش أنا السبب"
حتى الكشف كان رافض إن دكتور يشوفني، لأن ده قلة أدب.
أخدِته الحياة، وبِـعِـد عني بعد ما وقعت
بس رغم قوة المرض وقهره
وقهر أكتر إنسان حبيته في حياتي، واستخدامه لكل تفصيلة حكيتها له في حياتي عشان يـ كسرني بيها
لسة واقفة على رجليا، وبـ سعى في الدنيا بفضل ربنا
عـشـان أربِّي بناتي.
3 سنين كسروا كتير فيا، كتير كتير
بس ربنا المعين.
مش هـ هين نفسي تاني
الحب مش إهانة
الحب حياة.