وانا صغيرة كنت طفلة نشيطة
كنت بلعب جمباز وعمري ما فوّت تدريب
بس للأسف البلوغ ما كانش في صالحي
لأن وزني زاد جدًا
تصالحت مع إني محتاجة أتمرن كتير عشان وزني يقل
لكن الموضوع ماكانش سهل دايمًا
الوصمة اللي حوالين زيادة الوزن صعبة ومؤلمة جدًا
كتير أوي كنت بروح للدكتور لأي سبب كان،
ولازم يجيب سيرة إن وزني زايد
"ضهرك واجعك؟ يمكن محتاجة تقللي من وزنك".
"عندك كحة؟ فكرتي تنزلي وزنك شوية؟".
حتى التعليقات اللي بـ تطلع من أي حد يشوفني برضه مؤلمة
"انتي بدأتي تفرشي"
"انتي كنتي بتاكلي إيه؟ حيتان؟"
"شكلك بتحبي الفراخ المقلية أوي"
وطبعًا كانت النتيجة إني بتوتر جدًا من الأكل قدام الناس،
أو حوالين أي حد بشوفه لأول مرة
لأنهم دايمًا بـ يفترضوا إني هـ ختار الأكل اللي كميته كبيرة.
بدأت أتجنب أقابل أي حد ما شافنيش بقاله سنة أو أكتر،
لأنهم دايمًا بـ يعلقوا على وزني
بقيت بميل أكتر إني ألغي كل الخطط وأفضل قاعدة في السرير،
وأطلب أكل بدل ما أقابل ناس.
يمكن تكونوا بـ تفكروا إن اللي بعمله ده بـ يخلي المشكلة أسوأ،
وأنا مش هـ عارضكم في ده.