أنا بحب واحد جدًا، هو كل حياتي ودنيتي كده
مـُـرتبطين بقالنا 3 سنين
هو متجوز وعنده عيال، بس بحبه.

بـحكم العيشة في مصر وكده، طبعًا مفيش شغل يـقدر يـفتح بيتين
قرر يطلع يـشتغل برا في البلد الـلـي أنا عايشة فيها
بقاله 3 سنين بـ يـيـجـي زيارة ويرجع
ومش قادر يعمل إقامة أو يـشتغل.

الأول كان بـ يقول لي إلبسي ده، وما تـلـبـسـيـش ده
وما تـحـطـيـش ميك أب علشان بحبك وبـ خاف عليكي
سمعت كلامه، وعملت كل الـلـي قال لي عليه.

لما بـ نيجي نــتـقابل، مش بـ يرضى إني ألبس أو أحط ميك أب
مع العلم إن هو الـلـي قال لي: "لما نكون مع بعض هـ خليكي تعملي كل الـلـي نِفسك فيه".

شوية بشوية بدأ يــبعدني عن ناس هو من وجهة نظره، مش كويسة
أنا كنت بـ وافق، ومش بـ تكلم.

بعدها بقى بـفترة، بدأت بينا مشاكل
هو كان بـ يعملها من غير سبب، ومن غير ما أعمل أي حاجة
شتيمة، وإهانة، وبهدلة، ويـذلني بأي غلط عملته قبل كده، ويقلل مني.
يقول لي: "أنتِ ما لـكـيـش لازمة في الدنيا"
وانا أسكت، واقول له حاضر
واسيـبه لغاية ما يهدا، وبعدين بـ عاتبه، و بـ يعتذر.
مرة قعد يـقارني بمراته، وإنها أحسن مني، وإن أهلها أحسن من أهلي
أنا تعبت، وروحت كلمت أهلي علشان يـيجي يـتـقدم، وبابا وافق.

وزي أي راجل بـ يشرط لبنـته على ذهب والكلام ده
يقول لي: "أنتِ بنت مين علشان أبوكي يـ شرط بالمبلغ ده؟".

دايمًا مكذبني، وانا تعبت نفسيًا
بس مش قادرة أبعد عنه، ولا عارفة أعمل إيه يـرضيه.