كنت فى تالتة ابتدائى، وكان فيه محل جنب المدرسة دايما صاحبه لما أعدى يقولى يا عسولة. وفى مرة ندهنى:
"أيوا يا عمو"
"ده انت حلوة خالص مين اللى عملك شعرك؟ خدودك حمرا أوى بصى كده فالمرايا"
وبعدين بدأ يلمسنى كده. فحسيت إنه بـ يعمل حاجة مش صح.
فقلتله: "عمو ممكن أروح أودى الشنطة وارجع؟"
هو: "ماشى بس تعالى بسرعة هـ ستناكى مش هـ قفل"
روحت وحكيت لماما كل حاجة فاخدتنى من إيدى وروحنا المحل.
قالتلى "ادخلى انت الأول".
أول ما شافنى قالى أهلا يا حبيبتى وأخدنى على حجره.
فقامت أمى دخلت علينا
ماما: "انت بتعمل إيه؟ البت دى بتعمل عندك إيه؟"
فقالى "ما تتحركيش"
وقالها: "دى بنت واحدة قريبتنا"
وقالى: "ما تخافيش يا حبيبتى"
وبدأ يلمسنى فى وجود ماما، قامت ماما اديته حتة قلم
"يا سافل ويا اللى ويا اللى"
ولمت الشارع عليه، وأصرت إن أنا أحكى قدام الناس كلها اللى حصل