شيلي خرايا

كان بـ يضربني، وبـ يشتمني بأهلي
وعايز يخليني أسيب كل حاجة: الدراسة، والشغل،
لأن هو مش طموح.
ولما اتفقنا إنه هـ ياخد المرتب، وافق إني أكمل في الشغل بس.
وكان بـ يقول لي: "احمدي ربنا إني اتجوزتك،
أنتِ المفروض تـشيلي خرايا".

مع العلم إنه هو الـلـي كان نفسه يرتبط بيا، وقعد ورايا لحد ما رضيت.
وآخر مرة ضربني فيها بـ قول له: "بحق الحب الـلـي بينا"
فـ قال لي: "حب إيه؟ إحنا اتجوزنا خلاص".

الغريبة إن لحد ما اتطلقنا كان عندي استعداد أرجع، مع إني اتأذيت كتير منه.
ونفسي أعرف هو ليه طلقني
وسابني فترة متعلقة علشان اتنازل عن المؤخر،
ورفض يقعد كراجل في قعدة، أو حتي يفهمني، ويتكلم معايا.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر