كنت من البنات الـلـي بـ تتحجب في رمضان وأنا صغيرة،
عملت كده في إعدادي وثانوي.
لأن كانوا بـ يقولوا لنا إن مجرد إن راجل يعجب بشعرنا واحنا صايمين
ده بـ يبطل صيامنا، وصيامه.
وكنت في مدرسة حكومية، ومعظم البنات محجبات أصلًا
فـ كنت بـ تكسف أبقى غير صحابي.
جيت وانا في 3 ثانوي، وفي نص رمضان
واتضايقت من الحجاب أوي،
واتكلمت مع بابا الـلـي في العادي مُتفاهم.
وما أجبرنيش على حاجة،
لكن زعق لي المرة دي، ورفض.
ومش قادرة أوصف قد إيه كنت مخنوقة
نفسي نسيب البنات في حالها، خصوصًا في رمضان
لأن مفيش حاجة اسمها الشعر بـ يبطل الصيام.