كان عندي ست أو سبع سنين.
ماما كانت عايزاني أتعلم أعزف على أي ألة موسيقية، قلت لها إني بحب البيانو.
دورت هي على مكان أتعلم فيه فلقت إن فيه مدرس فـالنادي واتفقت معاه إني أروحله انا واخويا.
أنا دايما بتوتر من الملامسة المفاجئة سواء من بنت أو ولد،
وعندي مشكلة كبيرة في إني أكون حميمية مع حد، وما كـنـتـش عارفة ليه.
قعدت أفكر مع نفسي كتير وفي يوم ذكريات كتير جدا جت لي- هجمت بتعبير أدق.
افتكرت مدرس الموسيقى وهو بـ يقول لأخويا يروح يشتري مية أو بيبسي،
وبعدين يقولي إنه عايز يعمل كورال في النادي، وإنه حاسس إن صوتي حلو.
كان بـ يطلب مني أغني ويحط إيده تحت التي شيرت اللي كنت لابساه،
عشان يشوف لما بـ غني الصوت بـ يطلع منين.
مش فاكرة عمل كده لفترة قد إيه. ومش فاكرة لمس إيه تاني.
حكيت للشخص اللي كان عاجبني لما طلب إن علاقتنا تكون حميمية أكتر.
أنا بقالي كتير أوي ما عجبنيش حد،
وحسيت إني متطمنة للشخص ده كفاية إني أقوله إن ده يمكن يكون سبب توتري وخوفي.
كان أول مرة أحكي اللي حصل لأي حد.
بس هو خاف من بعدها واختفى.
ندمانة إني قلت له.
أنا حاسة إني لوحدي.