أنا بنت مصرية في مقتبل العمر تحت الـ18 سنة
بدايتي مع العنف لما كان عمري 3 سنين
ماما حكت لي: "في سنك ده، أبوكي كان بـ يـقـطَـعـك بالحزام، ويـموتك من الضرب"
كمان أنا عشان ليا أخ ولد، بـ يبقى في تفريق في المعاملة عشان أنا بنت وهو ولد.
أبويا كان بـ يموتني من الضرب من وانا صغيرة، ولحد سني ده
أخويا استقوى عليا منه، وبقى يـموتني من الضرب بسبب تافه، أو من غير أي سبب
كان يحطني تحت رجليه، ويدوس عليا، ويـضربني بالكراسي
وكان يجيب السكينة، ويجرحني بيها، ويخوفني إنه هـ يقتلني.
أمي ما كانتش بـ تعمل حاجة، ولما تشوفه كده تقول له:
"هدِّي نفسك وما تعصبش روحك"
وأبويا ولا كان بـ يعمله حاجة
كان يحط الغلط عليا، ويكمل ضرب.
أنا اتعرضت لعنف لفظي كمان كتير أوي لحد النهارده برضه
وآخر حاجة اتقالت لي انهاردة: "أنتِ مش محصلة شكل، ولا محصلة تعليم"
أصلي من كتر الـلـي عانيته جالي اكتئاب وانا 11 سنة.
غيرت مساري الدراسي في الثانوي
رميت كل أحلامي
ضعفت
حاولت انتحر فوق الـ 100 مرة، لكن الـلـي موقفني خوفي من ربنا.
أنا حياتي مفيهاش أي حاجة، ومفيش أي حد كمان
أنا وحيدة
أنا مش بـ نام لأن حتى ماما مهدداني إنها هـ تقتلني وانا نايمة
أنا لو عايزة أوصل لكم حاجة، فـ أحب أقول لكم إن في شيب طلع في شعري لما كنت 11 سنة
من الحزن والصدمات
أنا عندي كتير يـ تقال.