محدش وقف يساعدنى
أنا اتعرضت لإعتداء جنسى فى الشارع ومحدش وقف يساعدنى
كان بالليل … كتفونى واعتدوا عليا بالضرب الأول
وبعد كده كل واحد كان بـ يقف ياخد دوره ... يمسك أو يحط إيده فى حتة
وفى الآخر لما حد حاول يقفلى كانوا هـ يضربونى تانى وياخدونى معاهم عشان يكملوا فى مكان تانى.
بعدها البنت اللى لحقتنى كانت صغيرة جدا. كانت سايقة عربيتها ووقفت قالت لى:
"أنا نفسى أساعدك بس أنا عندى 18 سنة ومامى لو عرفت حاجة أنا هـ روح فى داهية"
كل اللى كان على لسانى ساعتها "خدتى رقم الموتوسيكل؟" قالتلى "لأ هو أنا ممكن أوصلك لمكان قريب أو لبيتك لو عايزة، بس بلاش اسمى ييجى فى أى محاضر أو أى حاجة"
ده كل اللى أقدر أحكيه من القصة ...
محدش وقف يساعدني
2017