موقف ١
بـ نعدي الشارع، وواحدة من أصحابي اتأخرت في التعدية،
واحد قالها كلمة من اللي هـم، بصتله بصة مش على هواه راح قايل:
"ده مشروع بنت وفشل"
موقف 2
راجعة من التمرين، ولابسة لبس الفريق بتاعي،
واتنين رجالة واقفين بـ يتأملونى في الشارع:
"ده واد ولا بت؟"
"دي بت يا ابنى"
"لا يا عم مفيش أمارة بـ تقول إنها بت، ده أكيد واد"
موقف 3
واحد بـ يتأمل جسمي، وفاكر نفسه ظريف:
"أنا لو عليا، أكبر صدرك شوية، وأزود على طولك يمكن عشرة سنتي و و و...."
ليه بقى لو الموقف بالعكس، ودى حاجة بتحصل،
وحد قال: "ده مش راجل، فين الأمارة؟"،
أو "انت بقى مشروع راجل وفشل"،
كانت الدنيا قامت حرب، وما قعديتش!