مش هي بس على فكرة الـلـي مش مرتاحة
الراجل عندنا برضه مش مرتاح
مش ممكن يرتاح طول ما في رقبته نتاية.

الشارع، التحرش، العنف الجنسي، الذكورية

وانا فى ثانية إعدادى كان فيه ولد معايا فى المدرسة فى أولى إعدادى أبيض وشعره أصفر
كان كل ما بيمشى فى المدرسة العيال كلها بتتحرش بيه،
وبيعملوا معاه الواجب.

كنت ماشي في وسط البلد مع أصحابي
ظهر 12 واحد جايين في وشنا
ما سمعتش غير "خد ياض، تعالي هنا"
وبعدها نزلوا فيا ضرب

مفيش ولا مرة ألاقيك بـ تكلم واحدة فى التليفون بتحبوا في بعض خارجين …
هو انت إيه؟!

أنا كبرت عارف إن الشرف ده مسئولية البنت
انا كراجل ماليش دعوة بيه
عمر ما أمى جابت سيرة الكلمة دى معايا أنا أو أخويا
عمرها مثلا ما قالت لى: "حافظ علي شرفك"

أنا مش مجبر إني أمشي حاطط الهاند فري عشان ما أسـمـعـش
لأن لو ما سـمـعـتـش فأنا شايف نظراتهم.

أنت عارف فيلم السكس بـ يخلص امتى؟
لما الراجل يـجـيـبـهـم
عند نهاية متعة الراجل

أنا مش بـ آكل كتير، بس لما بـ آكل بـ يبان عليا،
ودهوني بـ تتراكم في أماكن معينة؛ طبيعة جسمي.
الأماكن دي تتضمن صدري.
من وانا صغير وانا بـ شيل هم نزولة البحر أو حمام السباحة؛
عشان بـ كون قلقان، ومتوتر إن كل الـلـي حواليا بـ يتأملوا حجم صدري الكبير.

لما كنت بعيط وبابا بـ يضـربنى، كان بـ يضـربنى تانى علشـان بـ عيط. وكان بـ يقولى:
"لو عيطت هـ تتـضرب، علشـان الرجالة ما بـ تـعيـطـتـش".
فكان كل همى وانا بـ تضرب إنى ما أعيـَّطـش.

طلعت أنا وأختي من البنك يوم الاثنين 30/7/2012
الساعة 11 الصبح
في شارع عمومي كبير، وقريب من البيت
وماشيين خمس دقايق نكون في البيت،
اشترينا عيش، وطلعنا على الرصيف.
لاقيت واحد عند بتاع جرايد بـ يقرب، وعمال يقول في كلام كتير قذر
وجي كده كأنه هـ ياخدنا بالحضن مثلًا