أنا كنت البنت الوحيدة في الشغل وسط رجالة كتير.
ساعات شغلي بـ يوصل لـ ١٢ ساعة …
وكنت بـ تعب جدا لما تيجي لي بيريود وممكن يغمى عليا…
فمش معقول كل شهر هـ بقي تعبانة…
فاخترعت إن أنا عندي حاجة في الكلى
عشان يكون فيه سبب ليه بـ تعب يوم ونص على الأقل كل شهر
واتعلمت أدي حقن لنفسي عشان ما أعملش شوشرة ويعرفوا…
وفي يوم قلت أنا ربنا خلقني كده وده اللي بيحصل لي
فيها إيه يعني لما أقول إني تعبانة عشان عندي البيريود؟
مديري كان متعود إن أنا موجودة طول الوقت وبـ شيل وهو ما بـ يرحمش …
وفي يوم ما قدرتش …
قلت له: "حضرتك أنا عندي نزيف حاد ومش هـ قدر أشتغل!"