تقريبًا كان عندي 7 سنين
وكنت رايحة النادي مع بنت خالتي،
قابلني حد قرايبهم أنا كان عمري ما شوفته
بس قشطة، لعبنا مع عياله شوية وكده.
بعدين قولت إني هـ روح الحمام،
والحمام كان في مكان ضلمة
قولت لبنت خالتي تيجي معايا.
وهو قال: "هـ آجي معاكم علشان المكان ضلمة".
دخلت الحمام
وفاكرة إنه قال لي أسيب الباب مفتوح علشان ما أخافش
قولت له: "طيب"
بعدها مسكني
وانا مش فاكرة كنت متضايقة أو لأ
هو حاول يبوسني
وقال لي أبوسه إزاي
وأنا سمعت الكلام.
أنا مش مستوعبة ليه، وإزاي أنا ما رفضتش
أنا عمري ما حكيت الموضوع ده لحد
وكنت فاكرة إني هـ آخده معايا لقبري
أنا مش فاكرة إنه حاجة مهمة
ومش فاهمة ليه ما قاومتش،
هو أنا شخص قذر؟