بنت بشعرها

أنا عندي مشكلة مزعجة مع رمضان،
هو إني كبنت بـ يتبص لي على إني glitch في سيستم المجتمع المصري،
شيء غلط لمجرد إني بنت شعرها ما عليهوش طرحة.

أنا بـ بذل مجهود كبير عشان ألبس لبس طويل وبكم في رمضان،
في حين إني مش ملزمة أعمل كده،
ومع ذلك بـ قابل استغفار بصوت عالي في الشارع،
كنوع من أنواع التعبير عن الاحتقار
وكلمات من نوعية "ما ترحمونا بقى وتقعدوا في بيوتكم".

نفسي ولو ليوم واحد بس نوصل لمرحلة إننا نحترم بعض،
والرجالة الـلـي بـ تصوم تبقى فاهمة إنهم بـ يصوموا لنفسهم، مش لحد
وإن الصيام لو حالة عامة من الجوع ما كانش يبقى صيام
إيه الجهد الـلـي بـ تبذله في حب ربنا لما أنت مش عايز حد ياكل قدامك؟
نفسي الناس تبطل تؤذي الـلـي حواليها، حتى لو لفظيًا بس.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر