أنا واحد، مش واحدة.
كنت 10 سنين، وساكن في بيت العيلة،
فـ كنت بـ بقى موجود كتير معاهم في بيوتهم لوحدنا،
كانوا بـ يفهموني إنهم هـ يلعبوا معايا بالألعاب بتاعتي،
لكن ما كناش بـ نلعب.

ما كنتش بـ بقى فاهم إيه الـلـي بـ يحصل،
كانوا بـ يقلعوا بنطلوناتهم، وبـ يخلوني أمسك أعضائهم التناسلية.
وكانوا بـ يحضنوني من ضهري، ويخلوني أنام على الأرض، ويناموا فوقي.
المرة الأخيرة فهموني إنهم هـ يعلموني لعبة جديدة، واتجمعوا فى شقة
واغتصبوني كلهم اغتصاب كامل.
كانوا 3.

كانوا بـ يطلبوا مني ما أقولش لحد خالص،
ولا وعن أي مرة حصلت قبل كده.
أنا هربت منهم ساعتها، بس ما اتكلمتش مع حد من أهلي.
ما كنتش فاهم إيه الـلـي بـ يحصل ساعتها.

حاولوا كذا مرة بعد كده إنهم يعملوا الموضوع ده تاني،
لكن كنت بـ رفض، وما بـ روحش.
حكوا في الشارع وسط جيراني الولاد الـلـي في سنهم
وكنت لما بـ نزل الشارع بـ يحفلوا عليا.
وبـ يقعدوا يسألوني مين أعضائه أكبر من قرايبي،
ويقعدوا يضربوني، ويتريقوا عليا علشان أحكي لهم إيه الـلـي بـ يعملوه فيا قرايبي.

بعد سنين، بدأت أفهم إيه الـلـي كان بـ يحصل معايا،
لكن برضه ما اتكلمتش مع حد،
واحتفظت بالأمر لنفسي.

الموضوع ده بقاله سنين وما كنتش بـ فتكره غير كل فترات طويلة،
لكن دلوقتي، أنا بـ فتكره بشكل مستمر
أنا مش عارف أعمل إيه.
قرايبي كبروا، وبقوا متجوزين ومخلفين.
لو اتكلمت عن الحوادث دي هـ سبب لهم مشاكل مع أسرهم، وأولادهم في المستقبل،
وهـ سبب مشاكل في عيلتي.