تنويه هام بخصوص قصص حملة "لما قطعوا حتة مني":
القصة قد تسبب للبعض شعور بعد الارتياح أو الألم أو قد تستدعي أحداثًا سابقة مشابهة لدى السيدات اللاتي تعرضن للختان. نذكركن بالتنفس، وبأخذ بعض الوقت مع أنفسكن، وبإمكانية التوقف عن القراءة إذا استدعى الأمر.
عندي 25 سنة، عملية الختان تمت وانا عندي 11 سنة في خامسة ابتدائي….
كنت عارفة هـ يعملوا إيه، لكن ما كُـنـتـش أعرف أي حاجة عن العلاقة الجنسية،
ولا أعرف تأثير الختان على العلاقة.
مش مرتبطة معايا بألم جسدي قد ما هو ألم نفسي.
المرات الـلـي حسيت فيها إني محتاجة أمارس الجنس كشهوة
مرات معدودة في بداية بلوغي.
حاليًا ما بـ حـسـش بحاجة، ما بـ حـسـش بشهوة، ما بـ حـسـش بمتعة جسدية،
مجرد إني عايزة أبقى مع جوزي وبس كحب،
عايزة أقرب منه. إنما شهوة؟ مفيش.
الإحساس الواو الـلـي بـ يحكوا عنه؟ مفيش،
نفسي أجربه،
نفسي يرجع بيا الزمن وما يـحـصـلـيـش كده.