عندي اعوجاج في الفك،
اتولدت بيه أنا وأخواتي،
هو وراثة، بس ماما وبابا عملوا لهم عملية تصحيح بدري فكان الموضوع سهل بالنسبة لهم.
فيه فرق سن كبير بيني وبين أخواتي،
لما اتولدت كانوا أهلي بـ يمروا بمشاكل كتير،
وما عرفوش يعملوا لي العملية.

أنا بقى بنت زي أي بنت،
بس للأسف مجتمعي ما صـنـفـنـيـش على أساس إني زي أي بنت،
أنا للأسف عندي عين حولة،
كمية الوجع الـلـي بـ حس بيها لما حد يقولي:
"أنتِ حولة" -بشكل معايرة-،
أو على سبيل الهزار

شعري كان كيرلي،
وكنت طول الوقت بـ تعرض لتنمر من جوا البيت قبل برا،
دايمًا كنت بـ حس بالحسرة؛ لأني مش عارفة أعمل التسريحة الـلـي نفسي فيها.
ولما ماما قررت تعملي بروتين، كنت بـ تكسف أعمل التسريحة الـلـي نفسي فيها،
لأني بـ خاف اتعرض لمضايقات من نوع "الله يرحم"،

من ساعة ما وعيت على الدنيا وانا بـ يتقالي إني تخينة،
-لما كبرت عرفت إني ما كـنـتـش تخينة ولا حاجة -.
وخصوصًا الجزء السفلي من الجسم، كان مليان أكتر من الجزء الـلـي فوق.
طول عمري كان هدفي إني أخس عشان أبقى حلوة، وعشان أتجوز،

ماما مواقفها معايا كتير، عن السنان، والشعر، والجسم.
هـ بدأ بالسنان….
من وانا طفلة سناني فيها مشاكل، مش بـ عرف أهتم بيها،
ما كـنـتـش واخدة بالي من شكلي -طفلة في ابتدائي-،
بس تعليق ماما مش ناسياه:
"ابتسمي وبُقك مقفول؛ عشان تبقى حلوة".

نوم طول الوقت، أو مفيش نوم لأيام
عياط وماليش نفس لحاجة، لأي حاجة، حتى النَفَس نفسه مش طايقاه
مش عارفة أشوف شغلي
مش طايقة أي حد
بـ اسقط في دراستي كتير، بـ اخسر صحابي
مش لاقية حد يفضل، وعندهم حق
أنا مش قادرة أفضل معايا.

مش مرتاحة ولا مبسوطة في حياتي،
ودماغي بـ تتشل من كتر ما انا مش قادرة أوقفها عن التفكير في كل حاجة في نفس الوقت.
حياتي فاضية من الناس، ومن أي متعة أو حافز للحياة،
والحاجة الـلـي بحبها الـلـي بـ تخليني أفضِّي طاقتي، واعيش في عالم تاني، هي المسرح.

مشكلتي إني ضهري محدب بزيادة، ومولودة بيه،
وبـ يكون ملفت للنظر مع ملابس معينة.
حاولت والدتي وانا طفلة تعالج الموضوع،
بس العلاج كان بـ يخليني لابسة جهاز تعويضي كبير طول الوقت،