امبارح في الشارع كنت مـسـيِّـبـة شعري
ما كـنـتـش حَاطَّة فيه توكة
وكان هايش شوية وكيرلي
واحد كان قاعد على موتوسيكل، جه قال لي: "شعرك معفِّن."

فضلت سنين كتير جدًا بسأل ربنا ليه ممكن تدِّيني وش مقبول -زي ما الناس شايفة-
وشعر زي ده
في حين إنك كنت تقدر تدِّيني شعر جميل برضه
كنت شايفة إن مالـهـاش غير معنى واحد، إنه قاصد يعمل ده
طب ليه قاصد تعمل ده فيا؟
وفضلت طول عمري فعلًا مش عارفة أتجاوز ده

اتجوزت راجل كبير، وما كنتش راضية
وطبعًا في الفلاحين بـ يمشوا كده، من غير ما ياخدوا رأي الواحدة
زعلت على نفسي إني اتجوزت راجل كبير.

عايزين عروسة، لازم تكون جميلة الجميلات
يعني إيه جميلة؟
يعني بيضا، وشعرها ناعم
أكـنـنـا بـ نختار جاموسة
مقاييس مش عارفة مين بالظبط حطها، وليه مشينا عليها؟

أيها الصدر - أو صدري -
أو كما تسميه صديقتي في المدرسة "سوسو ونونو"
كيف قررت تطلع كبير هيك؟
مين هيك قرر؟
أنت مزعج، وضهري بـ يـصـيـر بـ يـوجـعـني منك

مرة كنت ماشية في الشارع،
والدنيا زحمة،
ماشية عادي،
فجأة حسيت بحد في ضهري،
لاقيت حد أخدني بالحضن،
كنت متخيلة إنه حد أعرفه

آسفة إن ده أخد مني وقت طويل عشان أعرفه، وأتـقـبـلـك زي ما انت
لكن ما تـزعـلـش
لسه معانا باقي العمر نحب في بعض
أنا آسفة للأذى الـلـي كنت بـ تـسـمـعـه

عزيزي شكري

تحية طيبة وبعد،

أرجو قبول اعتذاري عن عدم تقبلي لوجودك لفترة طويلة مع محاولات التخلص منك. أريد أن أخبرك أن وجودك مريح معظم الوقت. أصبحت لا أريد رحيلك. انت تتحمل الكثير مني، على الرغم من أنك تعترض في معظم الوقت على بعض الأشياء، مثل بعض أنواع الطعام، أو الملابس ما ظهر منها وما خفي، ولكني أحبك وأريدك.