يوم منيل بستين نيلة، وعمري ما هـ نساه
لما اتصل بيا، الساعة كانت 7 الصبح -مش ميعاد حاجة تقلق يعني-
وساعتها كان عايز يفهم مني تفاصيل أكتر عن حاجة كنت طلبتها منه للشغل.
المهم قولت له أنا محتاجة إيه، وهو قال لي:
"سـيـبـيـنـي أعمل كام تليفون وهـ قول لك بالضبط مين الـلـي يـساعدِك"
مش هـ طول عليكم، بدون مقدمات صوته اتقلب
وسألني: "أنتِ لابسة إيه؟"
أنا فعلًا ما كـنـتـش فاهمة
أصل ده معروف إنه مُتدين، ومفروض إنه من شباب تجديد الدين والكلام ده
فطبعًا بسذاجتي قلت له: "طب مش هو ده حرام؟"
قال لي : "حرام إيه؟ إحنا في التليفون. صباح الفل"
المهم إن بعد رفضي، صوته النحنوح قلب بعياط
"أنتِ ليه بـ تعملي فيا كده؟ أنا عملت فيكي إيه؟
أنتِ مش مقدرة الـلـي أنا فيه؟ أنتِ ليه مش قادرة تحسي بيا؟
أنتِ جامدة أوي".
بعد كام حوار مع صاحباتي، اكتشفت إن الفون سكس مالهوش ميعاد، وممكن في أي وقت
وإن الراجل أما يعيط في الموضوع ده عادي جدًا
دي بـ تبقى من حركاتهم المعروفة أما بـ يبقى مش عارف ياخد الـلـي هو عايزه
وإن برضه الفون سكس زيه زي السايبر سكس، في الـلـي بـ يعتبروه مش حرام
وصباح الفل.