أنا شاب عندي 23 سنة، من عيلة كبيرة، لسه متخرج من سنة من كلية تجارة
حياتي كلها عذاب من أول ما بدأت أوعى على الدنيا
أبويا كان قاسي عليا أوى، وعلى كل أخواتي
بس أنا تقريبًا الوحيد الـلـي كنت متأثر بالقسوة.
كان بـ يضربني على أقل غلطة أعملها
كان بـ يـهـيـنِّـى، ويـشتمني قدام الناس، ويقلل مني قدام صحابي
طلعت شخصيتي ضعيفة، ومهزوزة من صغري.

في التوقيت ده، وانا عندي 5 أو 6 سنين
بدأت تظهر عليا ميول المثلية الجنسية
كان مجرد إعجاب بالجنس بتاعي
ما كنـتـش أعرف إن ده عيب أو غلط
بس ما كـنـتـش عارف أتحكم في ميولي، لأني كنت بـ نجذب غصب عني.

الموضوع اتطور معايا، وبدأت أول ممارسة وانا عندي 10 سنين
آه نسيت أقول لكم إني اتعرضت لـتحرش وانا عندي 4 سنين من واحد كان عنده 20 سنة،
عارفين مين الواحد ده؟ الواحد ده يبقى أخويا الكبير
آه والله، كان بـ يتحرش.
فاكر الموضوع بالظبط بكل تفاصيله.

كبرت، والموضوع كبر معايا، وبقيت بـ مارس المثلية بشكل يومي
كنت بـ حِس نفسي زي العاهرة، كان إحساس قذر جدًا
وكنت بـ ستحقر نفسي أوى وانا بـ عمل كده
لأني أصلًا ما بـحـبـش كده.

كان نفسي أكون شخص طبيعي زي بقية الولاد
أحب البنات، وامارس الجنس مع البنات
حاولت أروح لدكاترة نفسيين عشان اتعالج
لأني مقتنع إن المثلية الجنسية هي مرض نفسي مش أكتر
مع احترامي لكل الناس الـلـي شايفين إن المثلية شيء طبيعي.

بقيت شخصية انطوائية، وبقيت عدواني
وبقيت حساس زيادة عن اللازم.
أنا مش عارف أوصف إحساسي وانا بـ كتب القصة دي دلوقتي
بس فى مصيبة أكبر حصلت معايا
من سنة كده، روحت أعمل تحليل عشان كنت تعبان شوية
لاقيت الدكتور بـ يقول لي: "أنت عندك الإيدز"، آه والله، جالي الإيدز.

أنا عايزكم تبكوا على شبابي الـلـي راح، والحزن الـلـي بقى مسيطر على حياتي
البسوا أسود على شبابي، اعلنوا الحداد على شبابي، أهيلوا التراب على شبابي
أهلي بقوا كارهيني، وما بـ يرضوش ياكلوا معايا، وما بـ يخلونـيـش أقعد معاهم
أنا حياتي متدمرة.