كنت بحب أنام بين أبويا وأمي، كنت بحب شوية أحضن أمي، وشوية اتقلب الناحية التانية أحضن أبويا.
وجه يوم أبويا ما جاش، فضلت سهران طول الليل مستنيه

أنا عمرى ما اتعرضت لأذى جسدي، يمكن قليل أوي
بس دايمًا بـ تعرض للأذى النفسي، الخذلان
عمر ما حد عمل حساب لخاطري ولا لزعلي
ولا حد عمل حاجة علشان يـفرحنى

أنا مشكلتي بـ تتلخص في إني وحيدة أمي
دايمًا بـ تقول لي إن حَظي قليل في صُحابي
وإني هَـ فضل طول عمري لوحدي من غير صحاب
أنا فيا العيوب الـلـي أي حد ممكن يـتقبلها
بس مش لدرجة إني أبقي وحيدة بالمنظر ده

لسبب ما أنا عشت سنوات طفولتي كلها بدون صحاب حقيقييـن،
مجرد صحاب بـ لعب معاهم في المدرسة سواء ولاد أو بنات،
بعضهم كان معايا أرقام تليفوناتهم
كانوا يكلموني بس لما يبقوا عايزين يعرفوا الواجب كان إيه انهارده
وانا كمان كنت بـ كلمهم أحيانا لنفس السبب
يعني دي كانت علاقتنا مع بعض.

كنت ضامنة صاحبتي
كانت جارتي وصاحبتي وحبيبتي
هي كانت سدت تمن شقتها وكل حاجة
بس كان عليها غرامات تأخير بدل ما تدفع يوم واحد، كانت تدفع يوم عشرة
وأنا ما أعرفش الحاجات دي كلها

كنت ماشية أنا واتنين صحابي،
بصيت ورايا لاقيت واحد بـ يعاكسنا من بعيد،
وأنا كنت واخدة بالي منه، لحد ما لاقيته جه جنبي،
وفضل يقول كلام قذر،
و"تـتجوزوني أنتوا التلاتة" دي استفزتني،
وروحت زعقت فيه جامد، وهزقته، وخاف، وطلع يجري.
التحرش؛ الشارع؛ الصداقة