إزاي في ماما غير ماما؟

وأنا عيل عندي 5 سنين، كنت طفل منعزل تمامًا يُعتبر
كل الـلـي كنت أعرفه في حياتي البيت، وأبويا، وأمي، واخواتي الـلـي كنت لسه بـ تلخبط في أساميهم
كنت بحب أنام بين أبويا وأمي، كنت بحب شوية أحضن أمي، وشوية اتقلب الناحية التانية أحضن أبويا.

وجه يوم أبويا ما جاش، فضلت سهران طول الليل مستنيه
وعدى كام يوم لغاية ما سمعت إنه اتجوز،
وقتها ما كنتش فاهم إزاي راجل يتجوز اتنين أساسًا؟ إزاي في ماما غير ماما؟
كان كل يوم مشاكل، وأبويا رابعة ابتدائيأمي، وأمي تسيب البيت،
كانت صدمة رهيبة ليا وقتها.

عدى وقت، ولما بقيت في رابعة ابتدائي، أمي كانت عايزة تغيظ أبويا
فـ سابت البيت، وخدتني معاها أيام الامتحانات، وما خـلـتـنـيـش أروح الامتحانات
وكنت طفل غلبان جدًا لدرجة إني مش عارف إن الـلـي مش بـ يروح الامتحان بـ يسقط
كنت فرحان إني مش هـ متحن ومش هـ حضر جو اللجان والامتحانات وكده

روحت السنة الـلـي بعدها، ولاقيت صحابي اتغيروا، وبـ آخد نفس المواد
قعدت شوية على ما استوعبت إني سقطت، واعرف يعني إيه كلمة سقطت أصلًا
فـقررت بيني وبين نفسي إن كسم أمي الـلـي معتبراني لعبة،
وعشان تغيظ جوزها تخليني أسقط سنة،
وأبويا الـلـي ما فرقش معاه، والـلـي هو كسمك أنتِ وابنك.

فحاولت أخرج من الصدمة دي، وقولت أنا عندي بدل الأخ 7،
أنا أصغر ولد، وفي 3 بنات أصغر مني، حاولت اندمج مع أخواتي، ما عرفتش
كان في رفض رهيب من أخواتي الولاد، ما عـمـلـتـلـهـومش حاجة وحشة،
ومـسـتـعـيـلـنِّـي، ومش بـ يحبوا يقعدوا معايا، ودايمًا بـ يخرجوا ويسيبوني لوحدي
وطبعًا أخواتي البنات هم كمان متأثرين، وبـ يعانوا زيي، فـ مش هـ عرف أساعدهم ولا يساعدوني.

قولت يولع أبويا، وأمي، وأخواتي كلهم، عندي صحاب بالدنيا كلها
وتكوين أي علاقة كان صعب جدًا بالنسبة لي بسبب إني ما كانش فيه أي تعامل بيني وبين الناس قبل كده.
اتعرفت على أحمد وحسن، كانوا أقرب ناس ليا، كنت بحبهم أكتر من أخواتي،
كنت بـ قعد معاهم أكتر ما بـ قعد مع أهلي، حسيت إن حياتي اتحسنت شوية.

عدى وقت واتعرفت على بنت، وحبيتها، وحسيت لأول مرة من زمان إني سعيد
كلمة حب ما كانتش توصف الـلـي في قلبي لها، بس حصل مشاكل كتير بيني وبينها،
وبين صحابي، وفي البيت عندها، أفلام كتير كده، واضطريت أقطع مع أحمد وحسن عشانها.
كانوا بـ يقولوا لي: "إحنا أو هي"، زى تحب تقطع إيدك ولا رجلك؟
مش هـ قدر أعيش من غير الاتنين، بغض النظر عن السبب في كلامهم ده،
بس اختارتها هي عشان فعلًا هي كانت عندي أغلى من صحابي، الـلـي هم أغلى من أهلي أساسًا،
هي كمان اتغيرت، وحصل الـلـي حصل، وبعدنا.

وبقالي زمن وانا ثابت وما بـ تحركش، وصلت للقاع، وعايش فيه، ومش بـ فكر أخرج منه
وده لأني جبان، أو أضعف من إني أحاول أخرج واتعلق بحاجة تاني،
وأبذل مجهود على حاجة ممكن تكسرني تاني.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر