إحنا رسميًا صحاب، بس مرة إحنا الاتنين قررنا نستهبل
وننسى نفسنا، ونلمس بعض بطريقة مختلفة
ما عملناش أي حاجة جنسية
بس كنا بـ نلعب أوي على الخط اللي بين لمسة أصحاب، ولمسة حاجة تانية
وما عرفناش واحنا بـ نعمل كده، إننا نبُص لبعض.
وبعدها على طول هربنا من بعض
عشان حسينا إن في حاجة غريبة حصلت، وما ينفعش نتكلم عنها
واتطمننا إحنا الاتنين لما لاقينا إننا عندنا الاستعداد نمثِّل إن مفيش حاجة حصلت، ونكمل عادي.
وساعات كنا نبُص لبعض، ونسكت
بـ نبقى عارفين إحنا عملنا إيه، بس ما بـ نـتـكـلـمـش عن الموضوع
بـ يضحكني أوي إزاي إنه عشان ما اتكلمناش عن الـلـي حصل، عدى كده.
بس اتنين تانيين، ممكن يحصل ما بينهم نفس الحاجة، ويتكلموا عنها
وتفرق فرق رهيب في صداقتهم
ما يـبـقـوش صحاب، أو يـبـقـوا مع بعض
بـ حس إن لما حاجة تحصل بين جسمين، من غير ما نتكلم عنها، بـ يبقى كأنها ما حصلتش.