في تانية ثانوي، ما كنتش قادر
وجيبت 45 ٪ لأن بابا صمم يدخلني علمي،
وانا كنت عايز أدخل أدبي.
لكن في 3 ثانوي، حولت أدبي
وقررت أذاكر عشان أدخل الكلية الـلـي أنا عايزها
ذاكرت، وجيبت 95٪
لكن بابا قال لي: "هـ تدخل حاسب آلي".

وانا صغيرة أوي كان دايما بـ يجيلي حلم؛
إن أمي مش أمي، وابويا متجوز واحدة تانية بس شبه أمي بالظبط،
مش عارفة ليه كنت بحلم الحلم ده.
يمكن عشان كانت أمي قاسية عليا، وأبويا ساعاتها كان حنين،
كلهم كانوا بـ يقولوا إنه مدلعني.
بس أنا ما كـنـتـش شايفة كده، أنا كنت شايفة إنه علي طول بـ يزعق،
وأمي علي طول كانت بـ تضربني عشان عايزاني أطلع ست بيت.

ماما الـلـي كانت بـ تضربني دايمًا، بإيديها، والشبشب، والخرزانة….
الخرزانة ما كانش ليها أي استخدام في بيتنا غير الضرب،
على أتفه وأبسط حاجة بـ تضربني من وانا صغيرة.

اتنين من أصحابى حبوا بعض وقرروا يرتبطوا وبعدها بشهرين اتقدم لها …
اللي كنت عارفاه عنه انه متفتح، لكن ابتدي يقولها ما تقفيش مع كذا ولا مع كذا …وهو براحته.
وقبل الجواز لاقيتها بتكلمني وبتقولي انها عايزة تقابلني ضروري …

كان عندي 18 سنة
أبويا كان بـ يضـربني، وهو بـ يقول لي: "هـ تـردي على جوزك كده؟"
قولت له: "وهو جوزي هـ يضربني ويعاملني كده؟"
قال لي: "هـ يكسر دماغك، ولو جيتي لي هـ رجعك له".
العنف الأسري؛ العنف الجسدي؛ العنف المبني على النوع؛ الوالدين؛ الزواج

"إزيك بقى يا أبلة سعاد؟"
"الحمد لله"
"ها، أنتِ بقى معاكي إيه؟"
"أنا مخلصة بكالوريوس خدمة، وعملت ماستر دلوقتي في مجال تنمية المجتمع وشغالة يعني، والمفروض هـ ناقش السنة دي"

بدأت المشاكل من سنة …
عارفة لما واحد يستفزك بكل الطرق علي أساس يزهقك؟
كلام، شتايم، ضرب، حتي العلاقة اللي كانت بيني وبينه ...
مش عارفة أقول إيه،
تحسي إنه زي ما يكون واحد بـ يغتصب واحدة مش واحد نايم مع مراته.

جوا عيد الأم ده يوم منيل بستين نيلة عليا بصراحة
لأن والدتي دي حاجة كبيرة بالنسبة لي وربنا يرحمها
ومش هـ يحس بالحاجة دي إلا اللي والدته متوفية

وانا صغير في إعدادي، فيه حد ضربني في الشارع
كنا بـ نلعب كورة، وضربني
فأنا روحت البيت معيط
أبويا شافني وانا بـ عيط، قال لي: "بـ تعيط ليه؟"
فـ قلت له حصل كذا كذا كذا.

كنت بحب أنام بين أبويا وأمي، كنت بحب شوية أحضن أمي، وشوية اتقلب الناحية التانية أحضن أبويا.
وجه يوم أبويا ما جاش، فضلت سهران طول الليل مستنيه