من كتر يأسي رحت لدكتور أحكي له يمكن يساعد
رحت لأكتر من دكتور بس معظمهم ضحكوا كده وقالوا لي:
"بكره تتعودي"
حسسوني إني بـ تدلع
أنا عندي مشكلة المفروض
ده مستقبلي، مستقبل جوازي،
مشاعري اللي أصلا مش سهل أحكيها لأغراب
يقوم الدكتور يضحك؟

وأنا صغيرة ماما قالت لي إن الحتة العيب اللي عند البنت اسمها العلبة اللولي
واللي بـ يفتحها العريس
لما كبرت شوية وأخدنا درس التكاثر
رحت سألت ماما

أهلي شرحوا لي بالتفصيل الممل عملية البلوغ قبل ما تحصل؛
كانوا بـ يجهزوني نفسيًا علشان ما اتفاجئش،
في نفس الوقت بـ يمهدوا لي المسؤوليات الاجتماعية والدينية الـلـي بـ تتبع عملية البلوغ.
كرهت البلوغ، وكرهت جسمي بسبب المسؤوليات التابعة ليه،
والحدود الـلـي اتفرضت بسبب التغيير الجسدي الـلـي بـ يحصل.

أكتر مرة فاكراها لما خالي ضربني بسبب أمي
أمي من النوع الـلـي تخلي الواحد يشب ويلب كده
كانت مرات عمي عمالة تشتم في أمي وأمي ساكتة
جيت أتكلم، أمي قالت لي: "ما تـرديـش"
ما عـرفـتـش أسكت، قولت لمرات عمى: "أنتِ بــ تـشـتـمي أمي كده ليه؟"
العنف الأسري؛ العنف الجسدي؛ الوالدين؛ الضغوط الاجتماعية

حسيت إني كبرت لما اتقدم لي أول عريس
كنت لسه صغيرة، في تانية إعدادى
بعد الجواز بقى، شيلت المسئولية، وكبرت
وبابا كان مفـهـمـنـا إن الجواز ده حاجة بقى مفـيـش بعدها كلام
لا نغضب، ولا طلاق، ولا الكلام ده

لغاية ما والدتي جت فى يوم عشان تاخدني من المدرسة
فـ شافتني والموقف ده بـ يحصل
فـ قالت لي بعدها:
"أنت إزاي بـ تسيبه يعمل لك كده؟
وتسيب الشنطة تقع في الأرض

كل ما أرجع البيت، كلهم بـ يسألونى: "امتى هـ تتجوزى؟"
زي ما تكون حياتى مشروع جماعي، وكل الناس عايزة تكمله بالنهاية السعيدة.
وانا دايما بـ اتريق علشان كلهم فاكرين إن تاريخ صلاحيتي هـ ينتهى خلاص
بس أقول لكم الصراحة؟ بينى وبين نفسى أنا فعلا خايفة من كده

الوالدين، الزواج، الضغوط الاجتماعية

ما ينفعش تبقي متنكدة، ونكدية، وقالبة وشك
انت إيه؟ ما بـ تشوفيش بنات؟
مين هـ يطيق يبص في وشك وهو بالمنظر ده؟
يا بنتي اتعلمي: مهما كنتي متضايقة، ده ما يبانش عليكي

الوالدين، الزواج، الضغوط الاجتماعية

من وانا صغيرة كنت بحب أعرف كل حاجة قبل أوانها،
في مرة كنا في بيت جدتي، وشوفت خالتو بيجامتها فيها دم،
اتخضيت، وجريت على ماما، وحكيت لها وانا بعيط،
راحت ضاحكة، وقالت لي: "طيب، استني"،

وقعدت تقول لي:
"لو عايزة تتجوزي، أنا ممكن أجيب لك عرسان كتير".
وقعدت تعيد كلام زي: "أنا أعرف عريس مناسب ليكي، واحد عنده شقة،
وشغال في القرية الذكية، وعنده كل حاجة.
ده حتى شبه مصطفى"، هاهاهاها.
مصطفى ده يبقى خطيبي، لسه مخطوبين قريب.

الضغوط الاجتماعية، العلاقات العاطفية، الزواج، الوالدين