من أسوء الاكتشافات لما تبدأي تقري عيون الرجالة على جسمك
لما تبدأي تلاحظي لما فلان يبص على صدرك وعِلان يبص على بؤك، وبواب عمارة يبص على وسطك، وهكذا
وبعدين تبدأي تقري معانى للـبصات دي...
بصة فيها إعجاب، وبصة فيها شهوة،
وبصة انتِ عارفة إنه بيحاول يتخيلك فيها من غير هدوم
وبعد ما تكتشفي ده، تبدأي تحاولي تتجاهلي البصات دي
ما هو لو أنا هـ ركز مع كل بصة، مش هـ عرف أنزل من البيت
هـ حس إنى اتعريت ٢٠ مرة، واتلمست ٣٠٠ مرة كل يوم
البصات عامة بالنسبة لي أسوء من اللمس لأني ما أقدرش أثبتها
ما أقدرش ألم الشارع على واحد بص عليا، لأنه ببساطة هـ يقول لي كالعادة "إيه ده هو أنا جيت جنبك؟"
إزاي هـ قول لكل واحد إن جسمي مش محطة أتوبيس؟