"هو أنت إزاي حاطط رجل على رجل كده؟
هو أنت ما عندكش بتاع؟"
كنت 9 سنين، وكنت بـ نزل ألعب في الشارع زي باقي العيال،
بس كان فيه ناس أكبر مني، وكانوا دايمًا بـ يضايقوني،
وبـ يضربوني
كنت بـ حاول أتفاداهم
الناس بـ تحكم
2014
فيه حاجات ما أعرفش أحكيها بسهولة لأي حد، لأن الناس بـ تحكم
أي حاجة ليها علاقة بجسم البنت، باحتياجات البنت، برغبات البنت
على طول يـ تقال: "إيه ده؟ دي صايعة، دي سافلة"
كنت لابسة فستان، ورايحة حفلة في المحروسة،
كنت مبسوطة
وبعدين فجأة حسيت إن رجلي مش لامسة الأرض
فـبدأت أصرخ، والصوت مش بـ يطلع
مش عايز أفتكر
2014كنت ماشي في وسط البلد مع أصحابي
ظهر 12 واحد جايين في وشنا
ما سمعتش غير "خد ياض، تعالي هنا"
وبعدها نزلوا فيا ضرب
مشيت وسبتها
2014
كنت راكب مشروع، وشايف من الشباك واحدة بتجري على البحر
وحاطة سماعات في ودنها
كانت الساعة 5 المغرب
وتلاتة بـ يجروا وراها
وانا شايفهم وهم بـ يمدوا إيدهم عليها.
ما ينفعش تتنططي
2014ماما كان عندها هوس بإن التحرش في كل حتة، ولازم تحميني
"لو فيه حد على الرصيف، تـنزلي تـلفي من بعيد"
"ما تـخليش حد يقرب منك أو يحضنك"
البطايق
2014كنت في تاكسي مع واحد صاحبي، راجعين بالليل
وفي الطريق، وقريب من مكتبهم في مدينة نصر
قام واحد منهم وقف التاكسي لما لقى ولد وبنت راكبين جنب بعض
"البطايق، أنتوا جايين منين؟"