كبرت وبقى عندي 19 سنة،
عندي عُقد من الرجالة، وبشكل أخص من العلاقات الجنسية.
ما أعرفش أبدأ بمين….
بأبويا؟ بأختي؟ ولا بالناس الـلـي عرفتهم؟

أبويا كان أول شخص يلمسني، كنت بـ قول مجرد خيالات،
كنت بـ قول بـ يهزر معايا إنه بـ يلمسني برجله من ورا،
وانا صغيرة كان يحاول يوريني أعضاؤه، يلمس صدري.…
من كام يوم واحنا قاعدين بـ ناكل، كان قاعد على كرسي عالي ورايا، وشد الأندر بتاعي،
خوفت لدرجة إني قومت، ما عرفتش أعمل إيه.

أختي كانت بـ تخليني أنام معاها بمعني الكلمة.
كبرت وانا عندي عقدة، وعندي كره للدنيا، معقدة، بـ خاف من الجنس.
لحد ما جت لي فترة أي حد أكلمه أنام معاه،
شات، فون، على الحقيقة، بدون مبررات؛
بـ فضِّي الطاقة، وبقنع نفسي إني مش مُعقدة،
لحد ما هديت، وعرفت إنه مش حل.

شعري الـلـي كان لآخر ضهرى الـلـي أبويا كان بـ يحسس عليه، سحلته بمعنى كلمة سحل.
لما محدش خد مني حاجة، بدأت اتضرب،
كان بـ يحرقني، كان بـ يعذبني حرفـيًا….
كان بـ يقطع شعري، كان بـ يضربني لحد ما جسمي كله يطلع دم.
أختي بقيت أخاف منها، كل ما تلمسني أعيط لا شعوريًا.

عندي خوف من كل الرجالة، أي شخص بـ خاف منه،
حتى الشخص الـلـي مرتبطة بيه، بـ فكر أسيبه لأني بـ ظلمه.
مازلت مستمرة لحد يومنا ده بالضرب، لحد ما بقى أي حاجة بـ يغمى عليا في ساعتها.
أنا خايفه إني عايشة، أنا خايفة ما استمرش، خايفه تكون نهايتي اللا شيء.
أنا بـ كتب وخايفة حتى إن حد يشوف، أنا بـ خاف من كل حاجة حواليا.