"بعيدًا عن أي حاجة تانية، أنا محتاجة أنام مع حد
ممكن تقولي لي أعمل إيه؟
أنا ست مطلقة، ومعايا طفلين، ومحتاجة أنام مع حد
المفروض أعمل إيه يعني؟"
فضلت ساكتة وأنا بـ سمع صاحبتي، وهي عمالة تشتكي
وبعد أسبوع كنت قاعدة مع مجموعة ناس،
ولاقيت واحد منهم بدأ يتكلم عن الستات المطلقات
والناس قررت تشارك معاه في الحوار بسرعة رهيبة
وقعدوا يـرغوا عن سمعة الست المطلقة،
وعن إزاي كلهم بـ يطاردوا الرجالة المتجوزين، وبـ يعاكسوهم طول الوقت، وغيره وغيره.
طلبوا مني أقول رأيي
فسألت الشاب الـلـي بدأ الكلام:
"خليني أسألك سؤال
تخيل إني ست مطلقة، وعندي طفلين
ومحتاجة أنام مع حد".
كلهم بصوا لي بصدمة
"بما إنك عايز تتكلم عن الستات المطلقات
خلينا نتكلم عنهم بقى فعلًا
أنا مطلقة، ومحتاجة أنام مع حد
إيه؟ عمرك ما تخيلت إني عندي احتياجاتي أنا كمان؟"
"لا لا أكيد عندك"
"كويس، تقترح عليا إيه بقى؟"
"مش عارف"
"يبقى تـتنيل تخرس".