كنتِ جوا دايرة كبيرة في صالون
وناس حواليكي بـ يقولوا كلام رسمي
وأنا قاعدة ورا… برا الدايرة
زي اللي قاطع تذكرة بلكون

الزواج، الوالدين، الضغوط الاجتماعية

دخلت بنت فكرتني بنفسي زمان
قبل ما يلبسوني الحجاب بالعافية
العربية الـلـي كانت عيون راكبها ساكنة، ميتة
بقت نار، وغيرة، وماليينها بكلام كتير أنا عارفاه
كلام سمعته كتير من الناس الـلـي لبسوني الحجاب بالعافية

الطلاق، الزواج، الضغوط الاجتماعية، الوصمة الاجتماعية، التحرش، الوالدين، الحجاب

أنتِ مبسوطة؟
مبسوطة زى ما أهلك مبسطوين؟
بـ تحبيه؟
واثقة إنك هـ تفضلي تحبيه على طول؟
فيه حاجة اسمها إن حد يحب حد طول العمر؟
للأبد؟

كنت بـ سمع ناس من عيلتي بـ يحكوا
مش عارف مين اتربطت في السرير، علشان قالت لأ
ومين دخلوا فيها إيه، علشان قالت لأ
مش عارف مين ودوها المستشفى في الصباحية، علشان حصل لها نزيف.

لما بـ قعد شوية مع نفسي أفكر في موقفي الرافض للعالم الذكورى المتعفن بـلاقينى ببالغ جدا في ردود أفعالي
إيه يعنى المشكلة في إن عمى يـ طلَّق مراته خمس مرات؟!
وإيه المشكلة في إن عمى التانى يتجوز تلاتة؟؟

الزواج، الطلاق، الذكورية، العلاقات العاطفية، العنف الأسري

بصوا لي، شايـفيـنِّـي؟ شايـفيـنِّـي كويس؟
طبعًا شايـفيـنِّـي بنت الناس الكويسيين
بس ما يغركمش الهدوء ده، أنا من جوايا بـ غلي
محدش فيكم حاسس، ولا هـ تحسوا بالنار الـلـي جوايا
بالغضب، والقرف الـلـي حاسة بيهم.

العلاقات العاطفية، الزواج، الحجاب، الضغوط الاجتماعية

أي واحدة فى الدنيا ربنا بـ يبقى خالقها بحاجة، جوزها بس هو الـلـي بـ ياخدها
أنتِ من يوم ما اتولدتي، وربنا كاتب لك إنك هـ تتجوزي
الحاجة دي بقى الـلـي عندك، هو هـ ياخدها النهارده

أنا كنت بـ كوي شعري على طول
وكنت مرتبطة، وبعدها ما حـصـلـش نصيب بينا
وبعد ما سيبنا بعض،
قررت إني أربي شعري الطبيعي وابقى حرة بطبيعتي
رجعت لـلـي كنت مرتبطة بيه زمان، وكويته مرتين عشانه
في مرة بقول له إني جاية له بشعري الطبيعي
قال لي بالنص: "نعم! جاية بيه كده ليه؟"

بعد الطلاق
أمي بـ تحرق دمي طول الوقت
لو اتكلمت وهزرت، تقول لهم:
"هي من ساعة الجوازة التانية دي بقت قليلة الأدب "

"اسمك في كنف راجل، واسمه أبو الولد، وأنتِ عارفة عيوبه"، أبويا
"ده أتاري الـلـي كان بـ يعمله فيكي كله حلال"، أمي
"أنتِ قاعدة إزاي من غير جواز؟"، أي راجل يـ شوفني