أنا وأختي كنا رايحين نطلب نأجل قضية وطلع إنه علينا أحكام
كنت ضامنة أخويا، كان هو جايب حاجة عشان جهاز بنته
بس أنا ما أخدتش حاجة، أنا مجرد إني بس ضمنته وهو ما سدش
وأختي كانت بـ تجيب حاجات بـ تبيعها
جات واحدة نصبت عليها خليتها جابت حاجات بـ 50 ألف
وخدت بعضيها وسابت البيت ومشيت، واحنا ما كناش نعرف عنها حاجة.

أنا موضوعي ابتدي في 2005
كان جوزي لسه ما اترقاش وعندي 5 عيال أعمار مختلفة
حالتي المادية كانت صعبة جدا لأن جوزي كان موظف بسيط لسه

لما كانت مصلحة السجون تمر في الحوش
كنت أقدم الورق بتاعي وكنت أروح الزيارات لأخويا
وأخلى أخويا يجي لي زيارات في السجن
كان بـ يعمل الموضوع ده الناس اللى أحكامها كبيرة

لما دخلت السجن كان عندي عشرين سنة
أول يوم كنت أجري على برا وأم زكريا تطلع تجري ورايا تجيبني
"إيه يا بنتي فيه إيه هو انت كل شوية تجري"
"أصل جوا بـ يعملوا قلة أدب وبـ يعوروا في الوش"

عشان الحبسة وآخر تلات سنين ما كانش حد زاره ، فـ طفح الدم جوا
كان لازم يطفح الدم ما هو مش هـ يفضل يتدلع ويتحبس واحنا نزور على طول
كان لازم حد ما يزوروش، عشان كده طلع وهو خايف
خايف من الحبسة وخايف من الضيقة

كان عنده حاجة اسمها شك، كان أما ييجي يخرج يعلق لي شعراية ويقفل عليا الباب
ولما ييجي يشوف لو أنا خرجت
كان الشك صعب أوي بالنسبة له
ربنا كرمنى وكان هـ يرزقنى بخلفة جه قالي: يا انا يا هو
رحت المهم إيه نزلت العيل

كنت بـ اشتغل على البوابة عند المأمور
كنت آخد على 10 شِيَل خرطوشتين سجاير
بـ يجيني من الناس الـلـي بـ تزور حاجات -كانز وكده-
لحد ما اتحاكمت

أنا قضيت عشر أعياد وعشر مناسبات في السجن
بـ يبقى من يوم الوقفة بالليل حزن على الجميع
يعنى بالنسبة للعنبر اللي كنت فيه كله بلا استثناء
كله بـ يبقى حزين من بالليل لغاية يوم العيد الصبح

الظابط وهو بـ يحقق معايا بقي يشتم شتيمة وسخة
المهم وهو بـ يشتم الدورة نزلت
بـص كده وقال لي "إيه ده؟؟"
قلت له "نزيف …"

أول ما دخلت السجن كنت لسه في التحقيق
وكان فيه ظابط مباحث اسمه مفيد بيه وكان قمة في الاخلاق بأمانة
جت بنت كانت بتاع عشرين سنة كده
العيال دي لحد 18 سنة بـ يبقوا أحداث،
ولما جسمهم يشد بـ يقوموا ممشينهم على السجن
حتى لو عندها 15 سنة بس جسمها شديد يودوها السجن