الظابط وهو بـ يحقق معايا بقي يشتم شتيمة وسخة
المهم وهو بـ يشتم الدورة نزلت
بـص كده وقال لي "إيه ده؟؟"
قلت له "نزيف …"

جوا عيد الأم ده يوم منيل بستين نيلة عليا بصراحة
لأن والدتي دي حاجة كبيرة بالنسبة لي وربنا يرحمها
ومش هـ يحس بالحاجة دي إلا اللي والدته متوفية

قعدت هربانة خمس سنين بقيت مش قاعدة في البيت خالص
ولو قعدت في قلب البيت تلاقيني بقى ولا أعرف أنشر ولا أعرف أعمل حاجة
كنت أخرج سرقة وأطلع سرقة
المهم كنت ف مكان وفوجئت إن أنا متراقبة واتمسكت ودخلت المكان ده

ده غير إن أنا طبعا تحملي للحاجات اللي مش حقيقية
وللتمثيل وللياقة السياسية بقى قليل أوي،
لأن أنا ده فعلا كنت بـ عمله جوا طول الوقت
يعني لمدة خمستاشر شهر مش مسموح لى أبين مشاعري مية فالمية

أنا اتخانقت مع جارتي عشان عـايرتـنـي
بس أنا مش هـ يفرق معايا حتي لو جابت ميكروفون وقالت في الشارع
لأني ما عـمـلـتـش شيء غلط
أنا عملت حاجة عشان ابني ما حدش يسيء له بأي كلمة لأنه يتيم

أنا ليا صاحبة لما بـ روح لها بـ يكون عندها ناس وكلهم كانوا محبوسين
بس هـم مش عايزين السيرة دي تيجي تاني
فقالت لي: "محدش يعرف أنا عارفاكي منين، أنا عارفاكي عن طريق شوشو اللي هي مدام منى"
واحدة هناك سألتني: "انت تعرفيها من فين؟"
فقلت لها: "لأ ده أنا بـ شتغل عند مدام منى وبـ جيب لهم الطلبات"

لما كانت مصلحة السجون تمر في الحوش
كنت أقدم الورق بتاعي وكنت أروح الزيارات لأخويا
وأخلى أخويا يجي لي زيارات في السجن
كان بـ يعمل الموضوع ده الناس اللى أحكامها كبيرة

الخيانة دي ما بــ تـجـيـش غير من أقرب الناس للواحد
أنا بالنسبة ليا الموضوع كان توظيف أموال

ناس كانوا معايا في الشغل اشتغلوا معايا 13 سنة
كانت علاقتي بيهم علاقة زمالة وبيزنس، بـ يدوني فلوس واشغلها
تلاتاشر سنة بـ نشتغل مع بعض
جينا اختلفنا، الاختلاف مش إن أنا مش عايزة أديهم الفلوس لأ،
الاختلاف كان إني عايزة أديهم فلوسهم

كان عنده حاجة اسمها شك، كان أما ييجي يخرج يعلق لي شعراية ويقفل عليا الباب
ولما ييجي يشوف لو أنا خرجت
كان الشك صعب أوي بالنسبة له
ربنا كرمنى وكان هـ يرزقنى بخلفة جه قالي: يا انا يا هو
رحت المهم إيه نزلت العيل

فاكرة، فاكرة أول ما دخلت كان عندي تصورات كده
الستات جوا بيعملوا إيه ف بعض وهنتضرب ولا مش هنتضرب
عشان طبعا كل التشريفات بتاعة الولاد
كلهم بيدخلوا بياخدوا كده علقة في الأول
السجن