أنا مولودة عندي قورة كبيرة، والـلـي زود الموضوع إن شعري خفيف من قدام، وشبه دماغ محمد هنيدي كده قبل ما يزرع شعر
كنت دايمًا بـ لاقي تريقة من قرايبي ومن صحابي فـالمدرسة، ومن أهلي نفسهم
لما بــ لـم شعري لورا، ألاقي بابا يقول لي:
"ما تحطي شعرك علي وشك يا بنتي، إيه القرف ده؟"

دايمًا بـ تعرض لتنمر على شكل جسمي؛ لأني نحيف جدًا،
طول الوقت هزار، وتريقة من صحابي،
لدرجة إني حاولت أتأقلم مع الموضوع، واعمل كأني مش بـ زعل، بس ما عرفتش.
ضيعت على نفسي لحظات كانت هـ تكون سعيدة كتير أوي بسبب الموضوع ده،
الجسم، التنمر

أنا بـتعرض لـتـنـمُّـر وإهانات
زي إن مرة مدرس مادة الدين قعَّدني قدامه بطريقة غير مباشرة عشان يقرا عليا الرقية الشرعية، قدام كل الـ classmates
وكان متِّفق معاهم عشان شايفين اختلافي عنهم خلل
وما أقدرش أعمل حاجة
ولما اتكلمت، اتقال ده هزار.

اتشخصت بتكيُّس في المبايض/ PCOS
ده خلى وزني يزيد، وخلاني ما أقدرش أخس بسهولة،
دي واحدة من الأعراض الجانبية للمرض ده.
كنت طول الوقت عاملة دايت، وبـ تمرَّن كل يوم، بس مفيش أي تقدُّم؛

أنا عندي صباعين لازقين في بعض في رجليا الاتنين
وانا صغيرة، سمعت كتير أطفال قدي بـ يـقـولوا لي"إيه ده؟"
وكبار بـ يـقـولوا لأهلي "اعملوا عملية، افتحوا الصوابع دي"
وقعدت كتير بـ كره الصنادل، وما بـ البـسـش إلا كوتشي أو جزمة مقفولة عشان ما يبانوش.

عندي 16 سنة،
ومن وانا صغيرة دايمًا يتريقوا على شكل جسمي….
بابا كان قصير جدًا، وانا مولودة مع توأم،
وفيه وقت هو كان هـ ياكلني في بطن مامتي،
بس بدل كده بقى ياكل أكلي.
اتولدت، وتيتة من كتر كلام الدكاترة إني مش هـ عيش، عملت حمام على نفسها،

أنا بكره شكلي جدًا جدًا، والموضوع ده خلى ثقتي في نفسي معدومة.
أنا شبه ما أعرفش حاجة عن الثقة بالنفس،
وأنا أصلًا عندي مشاكل مع موضوع الأكل وكده،
وإن مفيش شهية أوقات كتير جدًا، وبالتالي ده مُنعكس على وشي،
بـ يكون رفيع، وشاحب….

أيام ما كنت بـ عمل البطاقة كنت سعيدة بالحدث ده،
وقد إيه كان مهم، وكنت بـ تمني من كل أعماقي إن الصورة تطلع حلوة،
وكنت لابسة طرحة غامقة اللون زي ما هو متعارف عليه؛
قال إيه عشان الصورة تطلع حلوة.

كل يوم بـ تعرض لـ كلام سخيف جدا، وأشهرها الجملة الجميلة بتاعة محمد سعد: "يا واد يا بت"
تقريباً بسمعها كل يوم.
الأول كنت بـ رد وممكن أقف واتـخـانـق…
لحد ما فـى مرة رديـت على شاب اتَّـريـق على شعرى فـ شتمنى واتخانقنا مع بعض.

بالنسبة للبنات،
أنا عارفة إن في سنكم ده بـ تبقوا فرحانين بنفسكم:
إيه ده أنا شعري طِوِل! إيه ده مش عارفة إيه
الكلام ده تنسوه خالص، مش هنا!