كنا ماشيين في الشارع أنا وأخواتي البنات
راح واحد ضربني بمسدس طلق، الـلـي هو خرز ده
أنا صوَّت من الضربة
ضهري علِّم فيها.

كنت ماشية أنا واتنين أصحابى، وواحد فضل يمشى ورانا ويقولنا
"نفسى أنيكـك" واعمل، واسوى، والكلام اللى كل الناس عارفاه ده.

صاحبتى وقفت سبت له الدين، وكان ميكروباص معدى من جنبها راحت الناس بصتلها بقرف

كنت ماشية مع صاحبتي على كورنيش المعادي
عسكري جيش واقف على دبابة، قرر يصفرلنا
أنا عارفة إن ممكن ناس كتير تقول
"إيه المشكلة، دي صفارة، كبري دماغك".

كنت رايحة على أساس إنها شقة صغيرة، طلعت كبيرة أوي
عايزاني وهي نايمة هي وابنها نونو كده، وجوزها،
أدخل أعمل لهم فطار، وآخد الواد أغير له
كرهتني فى الشغل، أنا جاية أروَّق وانضف بس.

أول يوم شغل كان حلو، كان عند المعلمة عندنا في المسجد
وقالت لي: "اعملي الـلـي تقدري عليه"
وكانت كل شوية تيجى تقول لي: "أعمل لك شاي؟
تاكلي؟ قدامك التلاجة، الـلـي أنتِ عايزاه خديه
اعتبري البيت بيتك"

أبويا كان لازم يلاقي حاجة يزعق لي عشانها
يا الطبق مليان بزيادة، يا الشاي تقيل، يا بارد
حتى لو الدنيا برََّدِت، والشباك كان مفتوح حته بس، كان يزعق
علشان كان مفروض أبقى عارفة إنه بـ يـبرَد.

كنت في حضانة
ماما بعتتني أجيب لها حاجة من السوبر ماركت
كنت ماشية جنب جامع
لاقيت راجل نازل من تاكسي، وبـ ينده لي
روحت له.

احنا خلصنا تعليم وكلية ففيه ناس بـ تسأل: "ما اشـتـغـلتـيـش ليه؟"
بس الأغلب بـ يسأل: "ما اتخطـبـتـيـش ليه؟"
مش يمكن إن أنا مثلا مش حابة أتخطب وحابة أشتغل؟
يمكن يعني حابة إن أنا يبقى عندي شغلي وناجحة فيه وبحبه أكتر من إن أنا أتخطب؟