بس فاكرة كويس أوي الكوافيرة لما كنت أقول لها إني عايزة أعمل شعري
ونظرتها أول ما اقلع الطرحة، وتلاقي شعري كيرلي
وتـلـقـيـحـهـا بالكلام على شعري مع باقي الناس الـلـي في المحل
ساعات كنت بـ حس إنها بـ تـتـعـمَّـد توجعني وهي بـ تـعـمـلـهـولي

كنت دايمًا بـ اعمل شعرى
وأول ما بطَّلت أعمله، نزلت مرة مع ناس
كنت تريقة القعدة
لما روَّحت، لاقـيـتـهـم حاطين أغنية لبوب مارلي على الجروب بتاعنا
وبـ يـتـريـقـوا عليا.

في حاجة بـ توجع
حاجة ضيَّعت إحساسي بكل حاجة
حتى أقرب الحاجات لقلبي بطَّلت أعملها
بقيت بـ عمل كل حاجة لأنها مفروضة عليا

كنا في خروجة عائلية، وتقريبًا مـفـيـش حد ما قـالـش:
"إيه شعرك ده؟
يا بنتي ما تعمليه، بدل ما هو منكوش كده
ولا أنتِ عايزة تـتـعـبـي نظرنا وخلاص؟"
بكل سخرية، من غير ما يراعوا مشاعري.

النوم صعب، الصحيان تاني يوم أصعب
"ليه؟ هو في إيه عشان كل ده؟"
"إيه الضغوط الـلـي عليكِ يعني؟"
"ماعرفش!"، دايما ده ردي.

أنا زي أي شاب في مصر بـ يحلم بـبـيـت، وأسرة، واستقرار.
وبعد الزواج، ربنا رزقني بأحلى بنت في الدنيا، وبعدها الولد
وفجأة، خلاف بيني وبين مراتي - أم ولادي - لاقيتها سابت البيت
ورفعت قضية تبديد منقولات زوجية
ولاقيت بيتي الـلـي بـنـيـتـه بعرقي ودمي أنا، بإيدى بـ فكه مسمار مسمار

حتى إنها كانت بـ تنام في حضني وانا عندي مدرسة تاني يوم الصبح بدري،
وكل شوية كنت أصحى على عياطها أحاول أسكتها
أو أدخلها غرفة أمي اللي كان ممنوع ينام فيها أطفال علشان بابا بـ يزهق من زنهم
وكنت أفضل مستنية لحد ما ماما ترضعها علشان تكمل نوم جنبي

الموضوع بدأ من ست سنين، ست سنين بحالهم
كنت بحس إني تعبانة جدًا وماعنديش أي طاقة
وبعدين بدأت في 2012 أحس بوجع في ضهري ورجلي، وبدأت جلسات علاج طبيعي
في الجلسات دي، اكتشفت مع الدكتورة بتاعتي إن في مناطق كتير تانية في جسمي مشدودة جدًا ومتوترة
عملت شوية فحوصات وأشعة، واللي فاجئني إن تقنيًا يعني، ماكانش فيا أي حاجة