لما بدأت شغل أول ما اتخرجت حسيت إني بقيت زي شكلي: صغير، وطفل وسط ناس كبيرة
شخصيتي القوية مستخبية مش عارف أطلعها.
بواجه كل مشاكلي اللي سببها إن كل الناس مـسـتـصغراني بسلبية …

كل شهر والتاني تروح عند أهلها غضبانة واخدة ابني معاها، وانا أتحرم منه
لما كنت اروح أصالـحها، كانت تتـشرط عليا إني أسمع كلامها في كل حاجة
وإلا هـ ترجع تاني بيـت أبوها غضبانة وارجع تاني أتحرم من ابني،
حطيت الجزمة في بقي وفضلت ساكت، وبدعي ربنا يصلح حالي
وللأسف كل يوم الضغط النفسي وعنادها يتعبـوني نفسـيا.
خايف أطلقها واشـيل ذنبها وذنب ابني …

أنا مشكلتي بـ تتلخص في إني وحيدة أمي
دايمًا بـ تقول لي إن حَظي قليل في صُحابي
وإني هَـ فضل طول عمري لوحدي من غير صحاب
أنا فيا العيوب الـلـي أي حد ممكن يـتقبلها
بس مش لدرجة إني أبقي وحيدة بالمنظر ده

أنا واحد عندي 23 سنة، عايش لوحدي بقالي سنتين
قبل سنتين كنت مرتبط بـبنت وبـحبها جدا، لأ بحبها جدا جدا جدا كمان
كانت بـ تمثلي كل حاجة حلوة
اديتها كل حاجة حلوة في حياتي
ما سابـتــلـيـش حاجة واحدة حلوة أعيش بـيها من غيرها،
سابتـني عشان ظروف مادية …

أول لما بـ دخل أصلًا أي منطقة غريبة، بـ قراها بسرعة
لو منطقة شعبي مثلًا، وانا معايا واحدة أو كده
بـ بقى قاري الدنيا بقى
دي لوحدها استلامة

كان في "رجلين‫"‬ واقفين معانا في العربية
وكل محطة نـ ترجاهم ينزلوا، يبجحوا، وما يتحركوش
وللأسف كل شوية رجالة أكتر تدخل، ويقولوا: "إشمعنى دول؟"
كان في كرسي فضي، فـ قعدت من التعب
بعد ما زهقت من الخناق معاهم
بعد ما قعدت بشوية راحت بنت تكلمهم
قام واحد منهم شاتمها، وقال لها "يا شرموطة"

عدى وقت على اللي حصل، كانت أوقات صعبة، ومريت بأحاسيس حادة جدًا
مش عايزة أفضل أتجاهل اللي بـ يحصل لي، واللي بـ يحصل حواليا
أغلب الوقت بــ حس إني غضبانة، وبـ حس بفراغ
بـ حس إني حزينة ولوحدي
كل اللي بـ فكر فيه هو:
ليه بـهتم بناس ما بـ تهتمش بأي حاجة تخصني؟

وانا صغيرة أوي كان دايما بـ يجيلي حلم؛
إن أمي مش أمي، وابويا متجوز واحدة تانية بس شبه أمي بالظبط،
مش عارفة ليه كنت بحلم الحلم ده.
يمكن عشان كانت أمي قاسية عليا، وأبويا ساعاتها كان حنين،
كلهم كانوا بـ يقولوا إنه مدلعني.
بس أنا ما كـنـتـش شايفة كده، أنا كنت شايفة إنه علي طول بـ يزعق،
وأمي علي طول كانت بـ تضربني عشان عايزاني أطلع ست بيت.