جوا مش كل الناس نصابين
زى ما فيه ناس وحشة فيه ناس كويسة
أنا كنت في الحجز وكان معايا ناس جات لي في المحكمة
وعملت معايا الواجب وراحت لعيالي البيت لما اتحكم عليا

أخويا لما طلعت قال لي: "أنا اشتريت شقة أمك، وصرفت عليكي
والفلوس الـلـي كانت شايلاها أمك اتصرفت عليكي"
دورت على الفلوس الـلـي اتصرفت عليا فى الأربع سنين ونص
هم الـلـي دفعهم أخويا 5000 جنيه
أمي كانت بـ تجيلي زيارات، خرطوشتين سجاير، فرختين … الحاجات دي
وانا كنت بـ اشتغل جوا.

جوا عيد الأم ده يوم منيل بستين نيلة عليا بصراحة
لأن والدتي دي حاجة كبيرة بالنسبة لي وربنا يرحمها
ومش هـ يحس بالحاجة دي إلا اللي والدته متوفية

لما دخلت السجن كان عندي عشرين سنة
أول يوم كنت أجري على برا وأم زكريا تطلع تجري ورايا تجيبني
"إيه يا بنتي فيه إيه هو انت كل شوية تجري"
"أصل جوا بـ يعملوا قلة أدب وبـ يعوروا في الوش"

كنت صغير لسه، كان عندى 8 سنين لما نزلت الورشة واشتغلت فى الأجازة
ما كانـش فيه نت وهما قـنـاتـيـن فى التليفزيون
فـما كـنــتـش أعرف ولا أفهم حاجة فى موضوع الجنس عامة.
كان معايا شاب 17 سنة
بدأ يكلمنى عن الجنس والعادة السرية والمغريات

كنت صغير في ابتدائي غالبا
رحت أجيب عيش من الفرن والعيش اتأخر
كان واقف ورايا راجل كبير في السن، لابس جلابية بيضا وله دقن خفيفة.
حط إيده على كتافي وتبت فيا، ولزق عضوه فيا من ورا

كل يوم بـ تعرض لـ كلام سخيف جدا، وأشهرها الجملة الجميلة بتاعة محمد سعد: "يا واد يا بت"
تقريباً بسمعها كل يوم.
الأول كنت بـ رد وممكن أقف واتـخـانـق…
لحد ما فـى مرة رديـت على شاب اتَّـريـق على شعرى فـ شتمنى واتخانقنا مع بعض.

"صوتك بناتى، وصوابعك شكلها بناتى"
"صدرك كبير شويه ليه؟ كُـل بيض كتير"
"شعرك ناعم زى البنات"