كنت بحب أنام بين أبويا وأمي، كنت بحب شوية أحضن أمي، وشوية اتقلب الناحية التانية أحضن أبويا.
وجه يوم أبويا ما جاش، فضلت سهران طول الليل مستنيه

أنا ولد، 17 سنة….
كان على طول تريقة عن إني رفيع، رفيع، دايمًا.
أنا ما كُـنـتـش رفيع رفع هزيل ومُلفت،
كنت وزني مثالي، لا ناقص كيلو، ولا زايد كيلو.
بس التريقة ما كانـتـش بـ تيجي من المجتمع الكبير،
للأسف كانت بـ تيجي من المجتمع الصغير، البيت؛

بعد اللي حصلي في ٢٠٠٢ ، فقدت الذاكرة المتعلقة بالحادثة دي لغاية ٢٠١٧
ازاي الإنسان ممكن يفقد ذاكرة شيء بشع زي ده؟
الإجابة هي إن دي واحدة من طرق العقل لانقاذ الضحية لتجاوز الصدمة، الذاكرة تسقط بالكامل

أنا أم مطلقة أعول طفلين بمفردي
أحدهما 8 سنوات والآخر 4 سنوات.
ثلاثة أعوام مروا علي منذ طلاقي وأنا أرعاهما وحدي
وأمنع نفسي من الانهيار التام من أجلهما.

الحاجة الـلـي مخلياني أكمل بقى
ومخلياني عندي أمل في ربنا
هم بناتي،
نفسي أكمل معاهم للآخر.

حاولت أبدله بخالي، بعدين برضه خالي خذلني.
بعد كده بجدي، بعدين جدي اتوفى،
يعني قبل ما أولد على طول،
فـ اتكسرت برضه ساعتها.
بعد كده جمعت إنه لأ،
أنا عاوزة إيه؟ وعاوزة أكون فين؟
الوالدين؛ العائلة؛ المدرسة

أنا من صغري بـ تعرض لكل حاجة سيئة،
أولها تنمر من زمايل ليا في المدرسة بسبب سماري وجسمي النحيل،
ومن المدرسين بعدها اللي ما كانوش بـ يختاروني في أي عرض أو نشاط بسبب شكلي برضه.
بس الحمد لله مع الوقت اكتسبت صحاب عوضوني شوية، لأ عوضوني كتير أوي.

أمي ربـتـنا ست بنات
أختي الكبيرة اتجوزت وابويا عايش
وباقي أخواتي اتجوزوا وابويا متوفى.

الحمد لله كان عندي أهل واعيين؛
ماما كانت بـ تخليني أناولها الفوط الصحية وانا صغيرة عشان تستخدمها؛
عشان تخليني اسألها إيه ده، وردت عليا بكل بساطة إن:
"دي حاجة كل البنات هـ تحتاج تستخدمها في يوم من الأيام، وهـ تكون علامة على إنها بـ تكبر وتحلو".

ماما وبابا عايشين في بيت واحد، بس بـ يكرهوا بعض،
مفيش يوم بـ يعدي علينا كده في هدوء زي باقي الناس،
كل يوم صوت عالي، وإهانات، وتطاول بالإيد،
ومفيش أي اعتبار لمشاعرنا ولا للجيران.