الـلـي أنا شوفته مع أبويا محدش شافه
إحساس صعب أوي إنك وانت طفل في سنة أولى ابتدائي
والدك يجيبك من المدرسة من مشوار بعيد
لحد البيت ضرب بعصايا فيها مسامير،
والمسامير تخش في جسمك كله،
ويجيبك المشوار ده كله مشي

أنا جت عليا فترة في البيت داخل طالع كأني داخل لوكاندة
أخش آكل وانام،
أصحى نفس النظام
كأني مش موجود معاهم، مش عايش معاهم

كنت شايف إن يعني إيه أقول لهم مثلًا إني محتاج حنان
محتاج طيبة، محتاج حد يثق فيا، محتاج حد يدعمني
محتاج حد يسمعني، محتاج حد أقعد معاه وأصحابه.

أول مرة اتضربت فيها كنت بـ لعب في الشارع
واحدة من البنات الـلـي كنت بـ لعب معاهم ضربتني
روحت عند بيتها، وقعدت أحدف على البيت طوب، ما فـتـحِـتـش
روحت طالعة البيت، أمها فتحت لي الباب، روحت داخلة عليها ضارباها
أمها قالت لي: "يا اختي، أنتِ جريئة أوي"

أبويا بـ يضربني ضرب عنيف جداً لأسباب أتفه ما يكون،
كنت بـ تضرب وانا صغيرة على حاجات من نوعية إني بـ نزل الحمام كتير في المدرسة…
أو إني في مرة قولت لمدرسة عندي إن أبويا صعب معايا من غير ما أذكر أي تفاصيل.

لما كنت بعيط وبابا بـ يضـربنى، كان بـ يضـربنى تانى علشـان بـ عيط. وكان بـ يقولى:
"لو عيطت هـ تتـضرب، علشـان الرجالة ما بـ تـعيـطـتـش".
فكان كل همى وانا بـ تضرب إنى ما أعيـَّطـش.

أنا محتاج أحضن صاحبى فى الشارع لأنه محتاج الحضن ده، وانا كمان بحتاجه.
ساعتها أنا بَعَدت صاحبـى عنى بإنى بـ قوله: "إيه ده؟ انت بتعيط؟"
بس أنا كان نفسى يفضل فى حضنى لحد ما يخلص كل الـلـى عنده.
من غير ما أحس إنى خايف، أو قلقان من كلام شوية ناس ماشية ...

كلمة بابا بـ تطلع صعبة جداً
كنت دايماً أقول:
مش لو أمي كانت منفصلة كنَّا هـ نكون كويسين؟
أصلنا شوفنا جانب من العنف ده برضه…
كنَّا بـ ننضرب بـالحزام وأي حاجة في الطريق،
لحد ما أعملها على نفسي.
لحد دلوقتي فاكرة لما كسرلي صباعي وانا صغيرة…
وفضلت يومين ما ودَّانـيـش المستشفى على أساس إنها إصابة عادية، لحد ما طلع كسر.