أول مرة أتعرض للتحرش كنت راجعة من المدرسة مع صاحباتى البنات فى آخر يوم فـالامتحانات
فاكرة اليوم ده كويس. فاكرة كمان كنت لابسة ايه، وفاكرة إننا كنا مبسوطين علشان أخدنا الأجازة.
وفجأة شخص راكب عجلة قرب منى ومسك صدرى ومشى.

قالها جنب ودني بصوت مقزز،
الساعة 2 الظهر في وسط شارع مش صغير.
لفيت وجسمي متشنج وحاسة إني عاوزة أرجَّع،
بـ حاول أستجمع كل غضبي علشان أشتمه، لاقيته مطلع بتاعه من بنطلونه، وبـ يلعب فيه.
العنف الجنسي؛ التحرش؛ الشارع

أنا عندى 25 سنة وبـ شتغل مدرسة وده بـ يخلينى أنزل بدرى
كان اليوم أجازة رسمية وانا اضطريت أنزل
الشوارع كانت فاضية وانا كنت فى شارع عمومى مراقب بكاميرات، وفيه عربية وقفت واتشديت فيها
كان فيه محاولة إعتداء وكان مش شخص واحد

كان عندى ١١ سنة، ما كانش فيا أى حاجة مميزة، عادى ... وهو دمر لى نفسيتى.
أنا أخذت معاه دروس وكنت بـ روح له البيت، وكان معايا ٢ تانيين
كان بـ يخليهم ينزلوا فى الأسانسير الأول بحجة إنه مش هـ يشيل ٣ أفراد
وبعدها ينزل معايا فيه لوحدى

كنت راجعة من شغل جديد أول يوم ومبسوطة جدا.
ولاقيت أتوبيس فاضى فركبت،
قعد جنبى واحد قد جدى فوق السبعين سنة،
كنت بـ تكلم فى الفون،
وبـ بص جنبى لاقيته فاتح سوستة البنطلون

كنت فى أتوبيس مجمع الكليات، وواقفة فى الأول جنب كرسى بتاع كبار السن ده. وكان فيه على الكرسى راجل عجوز وست كبيرة كانت قاعدة جنب الشباك،
لما حبت تنزل ما رضاش يتحرك نهائى وقال بزعيق "مالمكان واسع أهو"
نزلت متضررة

إزاي أحكي قصة واحدة عن التحرش الـلـي مريت بيه
وانا كل يوم بـ عدِّى بأكتر من تلات أربع مواقف؟
أنا حياتي الاجتماعية كلها تحرش

كنت فى ثانوى ولابسة جيبة وبلوزة طويلة عليها... سواق ميكروباص قالى: "كل دى طي …" وانتوا فاهمين الباقى!