كان في واحد صاحبي، من سني
بس عايزني، يعني إيه، مش مظبوط يعني
كان عايزني أعمل معاه حاجة غلط

أنا اتعرضت لإعتداء جنسى فى الشارع ومحدش وقف يساعدنى. كان بالليل … كتفونى واعتدوا عليا بالضرب الأول.
وبعد كده كل واحد كان بـ يقف ياخد دوره ... يمسك أو يحط إيده فى حتة.
وفى الآخر لما حد حاول يقفلى كانوا هـ يضربونى تانى وياخدونى معاهم عشان يكملوا فى مكان تانى ..

هو ليه بـ يـتـعامل كده معايا؟
سؤال عمرى ما لاقيت له إجابة لحد دلوقتي
كل فترة بحال، أوقات كل يوم بحال
كل ما أحس إنى متعلقة بيه، بـ يوصله
أو يحس برغبة مني فى التواجد جنبه باستمرار، بـ يبقى غريب جدًا.

أنا عمرى ما اتعرضت لأذى جسدي، يمكن قليل أوي
بس دايمًا بـ تعرض للأذى النفسي، الخذلان
عمر ما حد عمل حساب لخاطري ولا لزعلي
ولا حد عمل حاجة علشان يـفرحنى

كنا ماشيين في الشارع أنا وأخواتي البنات
راح واحد ضربني بمسدس طلق، الـلـي هو خرز ده
أنا صوَّت من الضربة
ضهري علِّم فيها.

كنت ماشية أنا واتنين أصحابى، وواحد فضل يمشى ورانا ويقولنا
"نفسى أنيكـك" واعمل، واسوى، والكلام اللى كل الناس عارفاه ده.

صاحبتى وقفت سبت له الدين، وكان ميكروباص معدى من جنبها راحت الناس بصتلها بقرف

كنت ماشية مع صاحبتي على كورنيش المعادي
عسكري جيش واقف على دبابة، قرر يصفرلنا
أنا عارفة إن ممكن ناس كتير تقول
"إيه المشكلة، دي صفارة، كبري دماغك".

كنت رايحة على أساس إنها شقة صغيرة، طلعت كبيرة أوي
عايزاني وهي نايمة هي وابنها نونو كده، وجوزها،
أدخل أعمل لهم فطار، وآخد الواد أغير له
كرهتني فى الشغل، أنا جاية أروَّق وانضف بس.