بقيت أحس إن أنا ما ينفعش أفضل شايل الحِمل كله لوحدي بعد أبويا.
أبويا كان موصيني، ولا حد من جدودي، ولا جدي، ولا ستي
ولا خيلاني، ولا أي حد يساعدني.

أول مرة حد يتحرش بيا كان جوز أمي،
ما كـنـتـش كملت ١٠ سنين، وما كـنـتـش فاهمة حاجة!
كان يخش يتسحب بالليل وانا نايمة وأما أصحي ينام عالأرض، أو يعمل نفسه بـ يطمن على أخويا.
ولما فهمت اشتكيت لأمي، بس للأسف ما صدقـتـنـيش ...

أول مرَّة عرفت يعنى إيه تحرش، كنت في 6 ابتدائي
أيوا، وعمري ما هـ نسى اليوم ده، ولا هـ نسى شكل الولد
كنا الصبح، وكانت الشوارع لسه فاضية شوية
كان هو بعجلة، وماشي ورايا
فجأة حسيت بـ إيده على جسمي
ماكـنـتـش فاهمة، بس حسيت إن فيه حاجة غلط، وانا رافـضـاهـا.

أنا واحد من الناس في حياتي الشخصية
كنت بـ حكم على البنت الـلـي بـ شوفها في الشارع، مثلًا من لبسها
لو شوفت واحدة لابسة لبس مستـفز شوية برضه، بـ قول عليها شمال.

من كتر يأسي رحت لدكتور أحكي له يمكن يساعد
رحت لأكتر من دكتور بس معظمهم ضحكوا كده وقالوا لي:
"بكره تتعودي"
حسسوني إني بـ تدلع
أنا عندي مشكلة المفروض
ده مستقبلي، مستقبل جوازي،
مشاعري اللي أصلا مش سهل أحكيها لأغراب
يقوم الدكتور يضحك؟

كان عندي 14 سنة، ونازلة في الشارع عادي.
كان يوم خميس، والدنيا زحمة، وبالليل،
محدش واخد باله من حد.
كنت بـ عدي الشارع عادي،
واحد عدى من جنبي بموتوسيكل، ومد إيده على مؤخرتي.

وانا صغير في إعدادي، فيه حد ضربني في الشارع
كنا بـ نلعب كورة، وضربني
فأنا روحت البيت معيط
أبويا شافني وانا بـ عيط، قال لي: "بـ تعيط ليه؟"
فـ قلت له حصل كذا كذا كذا.

ما كـنـتـش فاهمة يعنى إيه انتهاك.
الموضوع بدأ فى حى صغير عند بتاع الفول،
لما شيخ الجامع قرر يوقفنى جنبه عشان الزحمة،
وفجأة لاقيت إيده على صدرى، ما فهمتش بس حسيت إنى لازم أبعد