نفسى أبطل أخلي بالي من كل كلمة، وكل حركة بـ عملها
نفسى ما أخـبـيـش جزء مني
نفسي ما أعملش حساب لحد.

خايفة أخلف
خايفة على ابني أو بنتي من البلد الـلـي احنا عايشين فيها
"يالا خلفي"
"أنتِ ليه مش عايزة تخلفي؟"
"كشفتي ولا لأ؟"

عايزين بطايق الناس الـلـي طلعت لكم امبارح
أيوا، دي الإجراءات
"عايزين البطايق علشان نقدمها للأمن،
احنا عايزين بطايق البنات بس مش الولاد
أنتوا مدورين الشقة دي إيه أصلًا؟

وأنا صغيرة ماما قالت لي إن الحتة العيب اللي عند البنت اسمها العلبة اللولي
واللي بـ يفتحها العريس
لما كبرت شوية وأخدنا درس التكاثر
رحت سألت ماما

فضلت فاهمة إن أنا غلطت
غلطت علشان أنا جميلة،
هو مشي ورايا وعمل اللي عمله علشان أنا جميلة

وقفت في الناحية الـلـي قدام جروبي الناحية التانية،
وعند جروبي نفسه كان في مجموعة شباب بـ يشاورا لتاكسي.
التاكسي وقف ناحيتي، والشباب الـلـي شاوروا له عدوا ناحيتي عشان يركبوا.
واحد منهم فتح الباب، وقال لي: "ما تيجي معانا"
وهو بـ يعمل بعينيه وبشفايفه حركات في منتهى الوساخة

ما تـجيش تدوس على رجلي، وتقول لي حقي
مش قادرة أفكر في حياة ما فيهاش الضغوط الـلـي بـ تفرضوها عليا،
مش عارفة.

طول عمري فاكرة إن أكيد البنت الفيرجين
شكلها مختلف عن البنت اللي مش فيرجين
وقعدت فترة أفكر هو إيه اللي ممكن يكون بـ يفرق؟
إزاي ده ممكن يخلى بنت أحسن أو أوحش؟