أنا بـ شتغل في صيدلية
وفي مرة دخلت عليا واحدة ست كبيرة، ومعاها بنتها، وقالت لي:
"سلامو عليكم
هو أنتِ آنسة ولا مدام ولا إيه؟"

بصوا يا ولاد، أنا طلَّعت البنات لأن فيه أكيد أسئلة شغلاكم، كل واحد ممكن يكتب سؤال في ورقة،
ويطبقها، وانا هرد عليهم ...
في سؤال هنا: إزاي أبطَّل العادة السرية….

أنا مش من حقي أسألك حصل إيه قبل كده.
لكن مهم نتكلم في ده.
ومفيش حاجة اسمها عذرية البنت.
عذرية البنت زي عذرية الولد.

"هـ نلبسكم طرحة"
الجملة دي كانت بـ تتقال لنا كتير وقت السلفيين
كانوا سواقين الميكروباص، والتباعين، وكل الناس الجميلة الـلـي بـ تبقى معانا في المواصلات
بـ يقولوها لنا باستمرار.

"ليه اختارتي موضوع البحث ده؟"
"لأني كنت عايزة أختار موضوع محدش اتكلم عنه وبـ يخافوا يتكلموا عنه"
"وانتِ بقي عينك واسعة وبجحة كفاية إنك تتكلمي عن الموضوع ده؟"
"أيوا حضرتك بس ده بحث علمي"

كان في مدرسة اسمها سهير أو سهام.
قفلت باب الفصل في حصة دين
وقالت كمية معلومات جبارة في ٣ دقائق وهي مكسوفة جدا.

هي الست اتخلقت في مجتمعنا عشان المتعة بس؟
ولا لبس فارق، ولا وش خشب فارق، ولا إنك تكوني بـ تردي فارق
لو رديتي ده معناه إنك بـ تتـقلي
اكتشفت من قريب إن مفهوم المجتمع عن الست المتجوزة إنها أسهل!

كنت في الكلية خلصت سكشن وماشي،
لاقيت حد من الأمن مسكني وقال لي:
"احنا بـ نجمع الناس النضيفة المحترمة!"
أنا حسيت إن فيه حاجة غلط …
وأخدني أنا وغيري علي مكتب وحبسنا فيه …