أول يوم شغل كان حلو، كان عند المعلمة عندنا في المسجد
وقالت لي: "اعملي الـلـي تقدري عليه"
وكانت كل شوية تيجى تقول لي: "أعمل لك شاي؟
تاكلي؟ قدامك التلاجة، الـلـي أنتِ عايزاه خديه
اعتبري البيت بيتك"

أبويا كان لازم يلاقي حاجة يزعق لي عشانها
يا الطبق مليان بزيادة، يا الشاي تقيل، يا بارد
حتى لو الدنيا برََّدِت، والشباك كان مفتوح حته بس، كان يزعق
علشان كان مفروض أبقى عارفة إنه بـ يـبرَد.

كنت في حضانة
ماما بعتتني أجيب لها حاجة من السوبر ماركت
كنت ماشية جنب جامع
لاقيت راجل نازل من تاكسي، وبـ ينده لي
روحت له.

احنا خلصنا تعليم وكلية ففيه ناس بـ تسأل: "ما اشـتـغـلتـيـش ليه؟"
بس الأغلب بـ يسأل: "ما اتخطـبـتـيـش ليه؟"
مش يمكن إن أنا مثلا مش حابة أتخطب وحابة أشتغل؟
يمكن يعني حابة إن أنا يبقى عندي شغلي وناجحة فيه وبحبه أكتر من إن أنا أتخطب؟

كنت في المترو، والدنيا زحمة أوي
وكنت لسه في أولى ثانوي
واحد وقف ورايا، ولزق فيا جدًا
من كتر الارتباك ما فـتحـتـش بوقي.

مرة جالي عريس أخلاقه كويسة أوي ومفيش فيه حاجة وحشة،
بس أنا رفضته ما كـنـتـش حاسة
بعد ما رفضته لاقيت خالي اتصل بيا وقالي:
"العريس اتصل واخد ميعاد وهـ يجيلنا بكره"
أنا اتضايقت إنهم بـ ياخدوا مواعيد وبـ يقرروا من غير رأيي،
وقلتله: "لأ، مش موافقة"

أول قصة في حياتي …
بنت عندها 7 سنين
بتروح عند بقال بـ يجبرها كل يوم إنها تبص على الميزان الموجود ورا الكاونتر،
وهو يقف وراها ويقولها "أصلي مش شايف كويس"

بعد ما سيبته، أخدت شقة لوحدي، في بيت واحدة صاحبتي
عشان أختي كانت بـ تتصل بطليقي يـيجي
فـسيبتها، وحلفت إني ما أخـشـش بيتها تاني