كنت بـ روح عنده البيت آخد درس فى الصيف.
ماما كانت بتودينى وتقعد تسنانى برا الأوضة لحد ما أخلص.
هناك قابلت دينا واحدة تانية كانت برضه بتاخد درس مع الميستر.

في العيلة عندي مش مقبول ولا مسموح إن البنت ما تبقاش بنت قبل الجواز
أنا مش عارفة العلاقة الكاملة بـ تحصل إزاي وخايفة منها
وحاسة إن الغشاء نفسه حابسني ومكتفني
هو ده بالنسبة لهم كل حاجة في البيت
لازم يفضل موجود

أنا جوايا راجل اسمه محمد
بـ يطلع في مواقف كتير
بـ يطلع لما سارة تنزل الشارع لوحدها، أو تنزل مع أصحابها البنات
لما ما تبقاش عارفة تتصرف كبنت
هو شايف إني محتاجاه

أنا ما كنتش أعرف أي حاجة خالص عن البيريود
ولما سألت كل اللي اتقال لي عنها هو تعريفها القاموسي:
الدورة الشهرية هي عبارة عن تغيير فيسيولوجي
يحدث للفتاة أثناء فترة البلوغ وعندما لا يحدث تلقيح للبويضة،
ما فهمتش أي حاجة.

ممدوح، ممدوح، قوم
بـ يقولوا الشقة الـلـي قدامنا اتأجرت لبنتين.

كنا مسافرين أنا وصاحبتي، و2 بنات أصحابها
وكان في كمين الساعة 11 بالليل
"تعرفهم؟
قرايب؟"
صحاب؟"
طب اركن على جنب"

أنا عارفة إن عمرِك ما هـ تفهمي، ولا تقبلي
فـ اضطريت لأول مرة في حياتي إني أكدب
كان نفسي احكيلك، كان نفسي تسمعيني
أنا مش على طول محتاجة حد يقول لي ده صح وده غلط
أنا بس عايزة حد يسمعني.

ركبت المترو في عربية السيدات، ولاقيت كالعادة رجالة
أنا عادة بـ تخانق، بس يومها ما كـنـتـش قادرة، فـسِكِت
بعد شوية، بنت طلبت مني المساعدة عشان نـنزلهم
فروحت وقفت معاها وهي بـ تزعق لهم عشان ينزلوا
وبعدين فجأة، لاقيت نفسي بـ تضرب شلوطين في الهوا