كنت فى عيد ميلاد فى ماكدونالز …
مش فاكرة كنت كام سنة بس كنت صغيرة … يمكن ١٠ مثلًا
كانت مزيكة أغنية ماكارينا شغالة، والعيال اللى فى عيد الميلاد بـ يرقصوا وأمى قاعدة
فضلت واقفة متسمرة مكاني

الجسم

قبل ما أبويا يتجوز أمي كان خاطب واحدة قبلها اسمها عايدة
أمي سألته: "ليه سبتها؟"
قالها "أصل كان عندها مرض في رجلها... واكتشفته لما شفتها بالمايوه"

الوصمة الاجتماعية، الضغوط الاجتماعية، معايير الجمال، الجسم

البصات عامة بالنسبة لي أسوء من اللمس لأني ما أقدرش أثبتها
ما أقدرش ألم الشارع على واحد بص عليا، لأنه ببساطة هـ يقول لي كالعادة "إيه ده هو أنا جيت جنبك؟"
إزاي هـ قول لكل واحد إن جسمي مش محطة أتوبيس؟

الشارع، التحرش، العنف الجنسي، العنف المبني على النوع

صاحبتي الأمريكانية بتقول لي الموضوع اتحسن كتير،
وبقت تستمتع بيه أكتر بعد الجواز،
عشان بـ تحس بالأمان أكتر...
بـ تحس إنها ما بـ تعملش خطيئة.
أيوا، حتى في الغرب بـ يصوروا الجنس على إنه شقاوة وديرتي وغلط

الزواج، الجنس

ليه أول مرة يبصوا عليا، تكون وأنا بـ لبس الخاتم ده؟
كنتوا فين قبل كده
مانا بقالي سنين عايشة
هو أنا ما عملتش حاجة في حياتي تستحق إنكم تبصوا فيها عليا
غير لبسي للخاتم ده؟

الزواج، الضغوط الاجتماعية

كنتِ جوا دايرة كبيرة في صالون
وناس حواليكي بـ يقولوا كلام رسمي
وأنا قاعدة ورا… برا الدايرة
زي اللي قاطع تذكرة بلكون

الزواج، الوالدين، الضغوط الاجتماعية

رحت للدكتورة وقلت لها إني حاسة إن في خرم جوايا
اديني أي حاجة... أنا مش مبسوطة كده.
حاسة كأن حد دخل إيده جوايا وأخد حاجة ومشي
فيه فراغ جوا بيوجع... بحس بيه كل مرة بحاول أبلع أي حاجة

الاكتئاب، الصحة النفسية، الانفصال، العلاقات العاطفية

قبلها كنت بـ تخانق معاك بصوت عالي
عشان ما تطلعش معايا في الأسانسير
وبعدها دخلت لوحدي، فأنت زقيت الباب ودخلت ورايا
ومديت إيدك، وحطيتها.

التحرش، العنف المبني على النوع، العنف الجنسي