البطايق
2014كنت في تاكسي مع واحد صاحبي، راجعين بالليل
وفي الطريق، وقريب من مكتبهم في مدينة نصر
قام واحد منهم وقف التاكسي لما لقى ولد وبنت راكبين جنب بعض
"البطايق، أنتوا جايين منين؟"
جابهم عليا
2014
كنت محجبة، ولابسة سكيرت واسعة
وماشية جنب سور الكلية زي العسكري الساعة 2 الضهر
سمعت واحد ماشي ورايا، عمال يقول: "آه، آه"
حلقة
2014كنت واقفة مستنية الترام
وشوفتهم عمالين يقربوا، وبـ يشاوروا لاتنين تانيين ورا
بصي يا بنتي
2014
يا بنتي ما احنا كلنا كنا بنات زيك
أنتِ فاكرة يعني إني ما كـنـتـش بنت زيك قبل ما أتجوز أبوكي؟
كلنا عدينا بنفس الحاجة،
بس كنا بـ نلعب رياضة، وناخد دُش ساقع
مش عارفة أحل مشاكلي مع جسمي
أنا مش قابلة جسمي واحتياجاته
بـ حس إن ده بـ يـقـلـل مني.
اللقاء إياه
2014فيه أماكن في اسكندرية معروفة إنها بتاعة اللقاء إياه:
نادي المهندسين، والمحروسة، وتريانون.
تـدخلي تلاقي مجموعة قاعدين مع بعض
وبعدين فجأة، في اتنين بـ ينفصلوا
وبعد كده، يا بـ يكشروا، يا بـ يضحكوا، على حسب.
كنت ماشية قدام قهوة
وشايفاهم بـ يحاولوا يعملوا عليا حلقة
ومحدش من القهوة بـ يتحرك
أنا مش عارفة الصوت الـلـي طلع مني طلع إزاي، لكن مشيوا.
البيريود والشغل
2014كنت بـ تعب جدا لما تيجي لي بيريود وممكن يغمى عليا…
فمش معقول كل شهر هـ بقي تعبانة…
فاخترعت إن أنا عندي حاجة في الكلى
عشان يكون فيه سبب ليه بـ تعب يوم ونص على الأقل كل شهر